Strandapósturinn - 01.06.1970, Síða 17

Brynjólfur Sæmundsson:
STRANDAANNÁLL
Fréttabrot úr Strandasýslu frá árinu 1969.
TíSarfar:
Arið 1969 heilsaði með ósvikinni vetrarveðráttu. Tíðarfar var
risjótt fyrstu tvo mánuði ársins. Gekk á með norðanátt og harð-
neskju. Gæftir voru stirðar til sjávarins og hagi notaðist lítið til
landsins, þó einhver væri. I byrjun marz herti enn á norðanátt-
inni. Hinn 5. marz gerði suðvestan, en síðan norðaustan ofsaveð-
ur. Urðu af því nokkrar skemmdir á húsinu og öðrum mann-
virkjum. M.a. urðu töluverðar skemmdir á bryggjunni á Drangs-
nesi. í því veðri rak hafíshrafl að landi en hamlaði þó ekki sjósókn
fyrr en síðar. Þegar leið á marz varð tíðarfar stöðugra og urðu
gæftir góðar síðari hluta marz og fram í miðjan apríl, en þá
lokaði hafísinn öllum leiðum og varð ekki komizt á sjó eftir það
fyrr en í fyrri hluta júnímánaðar. Veður voru yfirleitt góð þessa
mánuði, snjóa leysti nokkuð, einkum meðfram ströndinni eftir að
kom fram í apríl svo að næturfrost í maímánuði gerðu minni
skaða á ræktuðu landi en hin næst liðnu ár. Sauðburður fór að
mestu leyti fram á húsi og var fé víða á gjöf fram í júnímánuð.
Fénaður gekk þó yfirleitt vel fram.
Upp úr miðjum júní brá til hlýinda, en gróðri fór þó hægt fram,
einkum á ræktuðu landi, vegna mikils jarðkala. Júlímánuður var
hlýr, en nokkuð votviðrasamur. Tún voru sums staðar orðin slæg
í síðustu viku júlímánaðar, en sláttur hófst þó yfirleitt ekki fyrr
en í byrjun ágúst. Um sama leyti byrjaði einhver sú mesta vot-
viðratíð, sem menn muna. Hélzt hún sleitulítið fram í snjóa.
Heyskapartíð var því mjög óhagstæð. Ovenju mikið hey var látið
í vothey og með því bjargað því sem bjargað varð. Víða voru tún
15