Strandapósturinn - 01.06.1970, Qupperneq 108

tilfellum áætlaðar og farið var eftir þegar fólk pantaði vöru hjá
deildarstjórunum og áætlaði sitt innlegg á móti. Á árunum 1902
til 1905 þá var kjötpundið á 16 aura, vorull á 50, haustull 35,
gærur á 20, æðardúnn 10 krónur og selskinn á 2,50 stykkið.
Rúgur 17 kr. lunnan, hveiti 10,50 sekkurinn, haframjöl 16
krónur, maísmjöl 9, steinolía 18 aurar potturinn, sykur 35 aura
pundið og kaffi 50 aura pundið.
Akveðið var að reyna útflutning á smjöri sumarið 1904. Líklegt
er að sú tilraun hafi ekki gefið góða raun, því ekki er minnst á
það síðar í fundargerðum næstu ára á eftir sem innlegg.
Sala á framleiðsluvörum bænda var snar þáttur í félagsstarfinu
og ýmsar hugmyndir í þeim efnum, m,a. var ákveðið 1902, eins
og segir í fundargerð. „Fundurinn ákvað að ætla alþingismanni
Guðjóni Guðlaugssyni að minnsta kosti 50 krónur frá félaginu til
utanfarar á yfirstandandi vetri í þeim tilgangi, að hann greiði
fyrir viðskiptum félagsmanna erlendis“.
Árið 1908 var komið á fremsta hlunn með að byggja sláturhús,
en strandaði á lóð undir húsið. Kemur fram að keppinautur félags-
ins, Riis kaupmaður, hafði þar átt mikinn hlut að máli, að ekki gat
orðið úr framkvæmdum, því við þessa lóð verzlunarfélagsins var
bundin sú kvöð til handa Riis, að hann mætti koma sér upp fjár-
rétt á lóðinni, ef sauða-útflutningur hefðist aftur.
Á fyrstu árum félagsins, áður en Samband kaupfélaganna var
stofnað, sem síðar varð Samband ísl. samvinnufélaga, hafði það
umboðsmenn, en fyrst og lengst af var það enskur maður að nafni
Louis Zöllner í Newcastle, en hann annaðist afurðasöluna og út-
vegaði erlendu vöruna. Ekki mun nú samstarfið alltaf hafa gengið
árekstralaust. Bréfið, sem birt er hér á eftir, skýrir sig sjálft. Þrátt
fyrir ágreining þann og vonbrigði forráðamanna félagsins hélzt
samstarf við Zöllner, en svo mun hann hafa verið kallaður hér um
sveitir, áfram nokkur ár eftir þetta.
Þann 17. janúarmánaðar 1902 átti stjórnarnefndin í Verzl-
unarfélagi Hrútfirðinga fund með sér á Borðeyri og ritaði hún
umboðsmanni félagsins Louis Zöllner á þessa leið:
„Undirskrifuð stjórnarnefnd í Verzlunarfélagi Hrútfirðinga hef-
ur á fundi í dag tekið til íhugunar og andsvara bréf yðar, dags
106