Fréttablaðið - 07.05.2022, Síða 49

Forsætisráðuneytið auglýsir eftir
sérfræðingi í fjármálum og rekstri
Forsætisráðuneytið auglýsir laust til umsóknar starf sérfræðings á nýrri skrifstofu innri þjónustu.
Starfið felur í sér vinnu við fjárlagagerð, stefnumótun, reikningshald, rekstur og þjónustu við aðrar skrifstofur
ráðuneytisins. Leitað er að drífandi einstaklingi með ríka þjónustulund og þekkingu og reynslu á opinberum
fjármálum. Í boði er áhugavert og fjölbreytt starf í krefjandi starfsumhverfi þar sem reynir meðal annars á
sjálfstæði, frumkvæði og lipurð í samskiptum.
Skrifstofa innri þjónustu fer meðal annars með fjármál, fjárlagagerð, framkvæmd fjárlaga, rekstur og
áætlanagerð forsætisráðuneytisins, ber ábyrgð á gæða- og umbótamálum í ráðuneytinu, skjalavistun,
upplýsingakerfum og sér um öryggismál, starfsumhverfi og eignaumsjón. Starfsfólk skrifstofunnar styður við
innra starf ráðuneytisins, meðal annars við störf hópa og teyma sem starfa þvert á ráðuneytið.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra
starfsmanna Stjórnarráðs hafa gert.
Áhugasamir einstaklingar, án tillits til kyns, eru hvattir til að sækja um. Æskilegt er að umsækjandi geti hafið
störf sem fyrst. Með umsókn skal fylgja starfsferilskrá, prófskírteini og kynningarbréf þar sem gerð er grein fyrir
ástæðum umsóknar og hvernig umsækjandi uppfyllir hæfniskröfur.
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í 6
mánuði, sbr. reglur nr. 1000/2019 um auglýsingar lausra starfa.
Starfshlutfall er 100%.
Umsóknarfrestur er til og með 16. maí 2022
Nánari upplýsingar veita
Margrét Hallgrímsdóttir skrifstofustjóri margret.hallgrimsdottir@for.is
Eydís Eyjólfsdóttir mannauðsstjóri eydis.eyjolfsdottir@for.is
Sótt er um starfið á Starfatorgi: starfatorg.is
Helstu verkefni og ábyrgð
• Fjárlagagerð
• Vinna við fjármálaáætlun ásamt aðkomu að
stefnumótun og kostnaðarmati
• Efnisöflun og vinna við gerð skýrslna og
greinargerða
• Reikningshald og ferðauppgjör
• Aðkoma að rekstraráætlanagerð
• Þátttaka í framkvæmd fjárlaga
• Þátttaka í teymisvinnu, umbótastarfi og innri
þjónustu ráðuneytisins
• Ýmis önnur tilfallandi verkefni
Hæfniskröfur
• Háskólamenntun sem nýtist í starfi
• Þekking og reynsla af Oracle bókhaldskerfi ríkisins
• Reynsla af starfi í opinberri stjórnsýslu
• Þekking á lögum um opinber fjármál
• Reynsla af fjárlagagerð og stefnumótun
• Reynsla og þekking af reikningshaldi
• Góð þekking á Office 365 forritum
• Þekking og reynsla af Power BI
• Greiningarhæfni, þ.e. geta til að greina og vinna úr
gögnum og upplýsingum
• Þjónustulund ásamt færni og lipurð í mannlegum
samskiptum
• Sjálfstæð vinnubrögð, frumkvæði og hæfni til að
forgangsraða verkefnum
• Skipulagshæfni og lausnamiðuð hugsun
Stjórnarráð Íslands
Forsætisráðuneytið
Er verið að leita að þér?
Viðskiptavinir Ráðum fela ráðgjöfum okkar oft að finna starfsmenn án þess að auglýsa stöðuna.
Skráðu þig í gagnagrunninn okkar til að tryggja að við finnum þig þegar rétta starfið býðst.
ATVINNUBLAÐIÐ 15LAUGARDAGUR 7. maí 2022