Sjómannablaðið Víkingur - 01.01.2020, Blaðsíða 30

30 – Sjómannablaðið Víkingur
Föstudaginn 6. mars síðastliðinn fór
Norræna ljósmyndakeppni sjó-
manna fram í Sjóminjasafninu í
Reykjavík Er þetta í þriðja sinn síðan
við hófum þátttöku í keppninni sem
hún er haldin hér á landi.
Í forkeppnum allra Norðurlandanna
sendu samanlagt 133 sjómenn inn
myndir og þurftu dómarar allra landanna
að velja 75 myndir af samtals 1.116 ljós-
myndum til að þreyta lokasprettinn að
þessu sinni.
Eins og áður hefur komið fram skal
hvert Norðurlandanna leggja fram 15
myndir til keppninnar. Sjómannablaðið
Víkingur fékk tvo valinkunna menn til
að taka að sér að dæma Norðurlanda-
keppnina að þessu sinni. Þeir voru Kjart-
an „Golli“ Þorbjörnsson ljósmyndari og
Arngrímur Blöndal formaður áhuga-
mannaljósmyndafélagsins Fókus. Þeirra
beið erfitt verk. Þegar þeir höfðu lokið
dómstörfum varð niðurstaðan sú að auk
vinningsmyndanna fimm völdu þeir
fimm myndir til viðbótar í heiðurssæti
en þær myndir unnu ekki til verðlauna.
Má líta á það sem mark um hversu erfitt
val þeirra var.
Í fyrsta sæti varð mynd norska háset-
ans Andreas Wolden á Kronprins Ha-
akon sem hann nefndi Ísjaka fyrir utan
Hopen. Var það mat dómara að hér væri
um fallega mynd að ræða sem hvorki
innihéldi skip né sjómann en mikla tign.
Formið á ísjakanum var fallegt og hvern-
ig hluti fuglanna sat á jakanum meðan
annar hópur hóf sig til flugs. Það var
mat dómara að við fyrstu yfirskoðun á
myndunum að þessi mynd hefði alla
burði í eitt af efstu þremur sætunum.
Þessi mynd vann fyrsta sætið í keppninni
í Noregi. Gefandi fyrstu verðlauna er
Ulykkesforsikringsforbundet for Dansk
Søfart í Danmörku.
Annað sætið hreppti sænski mat-
sveinninn á olíuskipinu Bit Okland,
Jörgen Språng, en hann hefur margsinnis
verið í verðlaunasætum með myndir sín-
ar. Mynd sína kallar hann „Þurrkví“ og
sögðu báðir dómararnir að þeir hefðu
gjarnan vilja hafa þessa mynd í ramma
heima hjá sér. Falleg mynd og eitthvað
nýtt þar sem förin í leðjunni samræmast
skipinu, keðjunni og akkerinu. Mennirn-
ir efla myndina sem er mjög mjúk og
dramatísk, full ævintýra þrátt fyrir að
ekki séu miklir litir í henni. Gefandi
verðlauna fyrir annað sætið er Sjøfartsdi-
rektoratet í Noregi.
Í þriðja sæti varð mynd norska skip-
stjórans á Edda Fjord, Håvard Melvær,
sem hann kallar „Sólarlag við stöpulinn“.
Þarna fannst dómurum að ljósmyndaran-
um hefði tekist að fá fallega mynd úr
nánast engum efnivið. Mjög fín mynd
með fallegum litum og góðri samfellu
sem auðveldar okkur að sjá einfaldleik-
ann. Gefandi þriðju verðlauna er Sjöfart-
stidningen í Svíþjóð.
Í fjórða sæti varð mynd sænska stýri-
mannsins á National Geographic Explor-
er, Richard Jensen, sem hann kallar „Eft-
irlitið“. Dómurum þótti myndin einföld í
áhugaverðu umhverfi þar sem litirnir
sameina myndina í gott efni.
Vísir hf. í Grindavík gefur fjórðu verð-
laun. Sjómannablaðið Víkingur færir út-
gerðinni kærar þakkir fyrir þennan
mikilvæga stuðning við tómstundaiðju
norrænna sjómanna.
Í fimmta sæti varð mynd sænska vél-
stjórans á Ternholm, Dan Deshayes, sem
hann kallar „Spilað um bréfaklemmurn-
ar“ en dómurum fannst umhverfið og
litablöndunin gefa skemmtilegt and-
rúmsloft. Myndin sýnir einnig að sjó-
maðurinn er bundinn skipi sínu og þarf
að dvelja í frítíma sínum um borð og
deila lífi sínu með skipsfélögum. Gefandi
fimmtu verðlauna er finnska útgerðin
Finnlines.
Eins og sjá má á þessu var hér sannar-
lega um sænskan sigur að ræða að þessu
sinni.
Sjómannablaðið Víkingur óskar öllum
vinningshöfum og heiðursljósmyndurum
til hamingju og einnig okkar íslensku
þátttakendum í ljósmyndakeppninni hér
heima.
Næsta Norðurlandakeppni sjómanna
verður haldin í Danmörku í byrjun
febrúar á næsta ári. Nú er um að gera
fyrir okkar íslensku sjómenn að vera
duglegir við að mynda fyrir næstu
keppni.
Norðurlandakeppni
sjómanna í ljósmyndun 2020
Hilmar Snorrason skipstjóri
Dómararnir, Arngrímur Blöndal, formaður áhugamannaljósmyndafélagsins Fókuss, og Kjartan „Golli“ Þor-
björnsson ljósmyndari.