Sjómannablaðið Víkingur - 01.01.2020, Blaðsíða 74

74 – Sjómannablaðið Víkingur
Um aldamótin 1900 var Tryggvi
Gunnarsson án efa mestur valda-
og áhrifamaður á Íslandi. Hann var
bankastjóri Landsbanka Íslands, sem þá
var eini banki landsins, og hafði sem
slíkur mikil áhrif í atvinnulífi og hvers
kyns framkvæmdum, ekki síst í sjávar-
útvegi og samgöngumálum sem hann
bar sérstaklega fyrir brjósti.
Tryggvi gamli og Tryggvagata
Tryggvi var alþingismaður um langt
skeið og bæjarfulltrúi í Reykjavík, lífið
og sálin í hvers kyns félögum og samtök-
um, sem flest sinntu verklegum fram-
kvæmdum og framförum í einni eða
annarri mynd. Má þar nefna sem dæmi
að hann studdi sem bankastjóri mjög að
uppbyggingu þilskipaútgerðar í Reykja-
vík, hafði forgöngu um stofnun Ísfélags-
ins við Faxaflóa sem lét reisa íshús til að
frysta beitusíld fyrir skúturnar (Nordal-
íshús við Kalkofnsveg), beitti sér fyrir
stofnun Slippfélagsins í Reykjavík og var
þar í forystu.
Þetta kunnu menn vel að meta og ef
til vill sýnir það best þá virðingu sem
Tryggvi naut að hann er einn örfárra
seinni tíma manna sem götur hafa verið
nefndar eftir í Reykjavík (Tryggvagata).
Einnig voru skip nefnd eftir honum,
t.a.m. togarinn Tryggvi gamli, en undir
því nafni gekk Tryggvi síð-
ustu ár sín enda orðinn með
elstu mönnum og óvenju
roskinn eftir því sem þá
gerðist. Hann hafði og for-
göngu um brúargerð á ýms-
um stórfljótum sem verið
höfðu farartálmi um aldir,
stóð fyrir gerð fyrstu brúar á
Skjálfandafljóti við Fosshól,
fyrstu brúar yfir Jökulsá á
Dal og var aðalsmiður fyrstu
Ölfusárbrúarinnar og þar var
nefnt eftir honum hús sem
margir þekkja: Tryggvaskáli
á Selfossi.
Mætti á kjörstað með
skuldalistann?
Í Danmörku var Tryggvi
einnig vel þekktur, a.m.k. í
viðskipta- og athafnalífinu, og þar hafði
hann góð sambönd. Sagt var að hann
væri persónulega kunnugur C. F.
Tietgen, umsvifamesta iðnjöfri og fé-
sýslumanni dönskum á þeim tíma, og
hann var kunnugur dönsku konungsfjöl-
skyldunni. Allt færði þetta honum völd
og áhrif og hann skirrðist ekki við að
beita þeim, ef honum bauð svo við að
horfa.
Þegar dr. Valtýr Guðmundsson kom
fram með tillögur sínar í stjórnarskrár-
málinu undir lok 19. aldar gerðist
Tryggvi þegar í stað einn öflugasti and-
stæðingur hans og margir töldu það
honum fyrst og fremst að kenna eða
þakka að valtýskan hlaut ekki nægilegt
brautargengi og dr. Valtýr varð ekki fyrsti
ráðherra Íslands. Þar varði Tryggvi vígi
„gömlu” valdastéttarinnar og ættarveldis-
TRYGGVI GUNNARSSON
Jón Þ. Þór
(1835-1917)
Tryggvi Gunnarsson. Mynd: Af vef Alþingis
Steinbryggjan í Reykjavík var almannaeign, kostuð af bæjarsjóði 1884. Þar stigu fyrirmenni á land, kóngar og drottningar, og einnig þar kom Tryggvi Gunnarsson að
verki. Þegar bryggjan skemmdist í ofsaveðri 1893 gerði Tryggvi við og var eftir það talað um Tryggvasker. Tæpri hálfri öld síðar hvarf bryggjan undir Pósthússtræti
en við þéttingu byggðar í miðbæ Reykjavíkur stakk hún upp kolli og er nú hluti hennar – sá sýnilegi – orðinn að torgi sem kallast einfaldlega Steinbryggjan. Eins og
sést glöggt á myndinni hallaði bryggjunni fram og fór fremri endi hennar á kaf þegar flæddi að. Raunar mátti heita að á stórstraumsflóði væri nær öll Steinbryggjan
undir sjó. Hugsunin var að allir bátar gætu athafnað sig við Tryggvasker hvernig sem stæði á sjávarföllum.