Sjómannablaðið Víkingur - 01.01.2020, Page 67

Sjómannablaðið Víkingur – 67
KALLINNN Í BRÚNNI
Myndir:
Þorgeir Baldursson
Hjálmar Sigurjónsson
Nafn og hvenær fæddur og hvar?
Hjálmar Sigurjónsson, fæddur á
Fáskrúðsfirði 18 júlí 1969.
Hversu gamall varstu þegar þú byrjaðir á
sjó og hve gamall varstu þegar þú fórst í
Stýrimannaskólann?
Ég var 16 ára þegar ég fór minn
fyrsta túr á trollbát og varð svo sjóveik-
ur að ég ákvað að stíga aldrei um borð í
skip aftur. Það heit stóð í heilt ár. 24 ára
fór ég síðan í stýrimannanám.
Hvaða ár laukstu skipstjórnarprófi?
1994 frá Stýrimannaskólanum á
Dalvík.
Á hvaða skipum hefur þú verið og hvert
þeirra er eftirminnilegast?
Ég byrjaði á vertíðarbátum heima á
Fáskrúðsfirði Þorra og Guðmundi
Kristni. Á síldarnót og netum á Þorran-
um en netum á Guðmundi. Við sigldum
með aflann, aðallega til Hull og Grimsby,
en einu sinni til Færeyja.
Togaraferillinn byrjaði síðan 1989
þegar ég náði síðustu tveimur túrunum
sem Álftafell frá Stöðvarfirði fór. Eftir
seinni túrinn átti að sigla frá Stöðvar-
firði til Fáskrúðsfjarðar með hluta aflans
og ísa og kassa skipið þar en það fór
ekki betur en svo að skipið strandaði á
Gvendarnesfles. Þar sátum við fastir í
smá stund eða það var allavega smástund
í minningunni.
Svo tókst að losa skipið og koma því
við illan leik til hafnar á Fáskrúðsfirði.
Álftafellið var svo selt og hét Frosti upp
frá því og var gerður út frá Grenivík.
Eftir þetta fór ég á Hafnarey frá Breið-
dalsvík og var á henni með námspásum
þar til hún var seld 1995. Það skip er
Jón á Hofi í dag.
Eftirminnilegasti skipstjóri sem þú hefur
siglt með?
Eftirminnilegasti skipstjóri sem ég hef
siglt með er sennilega Ólafur Helgi, fyrr-
verandi skipstjóri á Ljósafellinu,því að
samstarf okkar spannaði ein 24 ár, harð-
duglegur, ákveðinn og góður gaur.
Hver er skemmtilegasti maður sem þú
hefur verið með á sjó?
Lars Hallsteinsson, að öðrum ólöstuð-
um, sker hann sig svolítið úr. Var víst
verri hér áður fyrr en farinn að róast
þegar við rerum saman. Hrekkjóttur.
Hver er besti sjómaður sem þú hefur haft
í þinni áhöfn?
Ég geri ekki upp á milli manna hér né
annars staðar, þetta eru allt öðlingar og
dugnaðardrengir
Hver er uppáhalds fiskurinn þinn að;
- a borða?
Steiktur þorskur í raspi.
- b veiða?
Þorskur.
Hvernig finnst þér best að matreiða fisk?
Mér finnst best að fá hann tilbúinn á
diskinn minn.
Hver er furðulegasti fiskurinn sem þú
hefur veitt?
Furðulegasta holið sem ég hef fengið
voru sjö tonn af urrara, ég taldi mig vera
að veiða ýsu.
Uppáhalds mið og af hverju?
Þau mið sem gefa vel hverju sinni eru
uppáhalds.
Versta veðrið sem þú hefur lent í á sjó?
Sennilega í október 2014, þá vorum
við í haustralli Hafró. Við vorum of sein-
ir að koma okkur í var og urðum að
halda sjó norðan við Horn í norðan eða
norðaustan skítviðri. Þá var Ljósafell ansi
lítið skip í samanburði við þær öldur
sem upp á var boðið.
Hefurðu upplifað ótvíræða lífshættu á
sjó?
Sjómennska er í eðli sínu lífshættuleg,
eða getur verið það, en með tilkomu
Slysavarnaskóla sjómanna hefur tekist að
innræta meðvitund um þessar helstu
hættur í okkur sjómenn.
Þó ég minnist ekki neins eins atviks
hvað mig varðar persónulega skal ég
nefna hér eitt atvik. Það eru ekki nema
örfá ár síðan við lentum í því að sigur-
nagli (segulnagli) slitnaði á milli togvírs
og hlera, nokkrum mínútum eftir að
hann hafði verið hífður í gálga. Togvír-
inn með hálfum sigurnagla og tveimur
lásum skaust fram dekkið af miklum
krafti og lenti á nákvæmlega þeim stað
þar sem vélstjóri hafði staðið örfáum
sekúntum áður. Sá maður væri ekki á
lífi í dag hefði hann staðið þarna ögn
lengur.