Sjómannablaðið Víkingur - 01.01.2020, Síða 85

Sjómannablaðið Víkingur – 85
Bræðurnir Egill, Halldór Ómar og Sævar Lárus Áskelssyn-
ir á Akureyri keyptu fyrir nokkrum misserum tæplega
30 tonna eikarbát. Enginn þeirra hefur réttindi til að
sigla honum en með kaupunum heiðruðu þeir minningu föður
síns og annarra sem smíðuðu bátinn og fleiri slíka í
bátasmiðjunni Vör við Óseyri.
Faðir bræðranna, Áskell Egilsson, var einn stofnenda og eig-
enda Varar, þar sem smíðaðir voru eikarbátar svo fallegir að
bræðurnir fylgdust grannt með þeim lengi þar til langþráður
draumur rættist og þeir keyptu einn gömlu Vararbátanna. Upp-
haflega hét sá Vöttur SU-3, smíðaður 1975, og fyrsta heimahöfn
hans var Eskifjörður. Hann var síðast í eigu Ólafs Ármanns
Sigurðssonar á Húsavík og notaður við
veiðar allt þar til fyrir nokkrum árum að
útgerðarmaðurinn fékk sér nýrri bát. Hét
þangað til Haförn en nafninu var breytt í
Ási þar sem Ólafur notaði Hafarnar-
nafnið á nýja bátinn. Til stóð að rífa
þann gamla en þegar bræðurnir settu sig
í samband við Ólaf var hann meira en til
í að selja þeim gripinn.
„Við vorum búnir að hugsa mikið um
þetta; það hefur lengi blundað í okkur
að gaman væri að eignast einn af gömlu
Vararbátunum,“ segir Halldór Áskelsson.
„Við höfðum alltaf haft mikinn áhuga á
eikarbátum, það gerir líklega uppeldið,“
bætir Egill við. „Við höfðum gjarnan
þann starfa að hempa nagla; að festa
tjöruhamp við hausinn á nöglunum sem
voru svo notaðir til að festa eikar-
borðin.“
Egill segir þá bræður hafa reynt að
vera viðstaddir í hvert einasta skipti sem
Samantekt á heiti bátsins í áranna rás
Frá árinu 1975, Vöttur SU-3, Eskifirði.
Frá árinu 1978, Vinur EA-80, Dalvík.
Frá árinu 1983, Aðalbörg ll RE-236, Reykjavík.
Frá árinu 1987, Gulltoppur ÁR-321, Þorlákshöfn.
Frá árinu 1997, Haförn ÞH-26, Húsavík.
Frá árinu 2010, Ási ÞH-3, Húsavík.
Frá árinu 2016 heitir báturinn, Áskell Egilsson, Akureyri. 
Athugasemd:
Þegar báturinn fór til Dalvíkur árið 1978 fékk hann nafnið Vinur eins og
fram kemur hér á undan.
Einkennisstafir bátsins eru tölvuskráðir EA-30 hjá Siglingastofnun en
EA-80 í ritinu „Íslensk skip.“
Mynd af bátnum, þegar hann hét Vinur, sýnir greinilega að einkenn-
isstafir hans eru málaðir skírum stöfum á bóg bátsins EA-80 og telst það
því rétt vera.
Samantekt: aba.is
Bræðurnir Sævar Lárus, Egill og Halldór kampakátir eftir að vera búnir að klófesta bátinn sem til stóð að rífa. Upphaflega hét hann Vöttur SU-3 og var fimmti
báturinn sem smíðaður var í Vör.
Texti og myndir: Skapti Hallgrímsson
„Ekki
bara bátur
heldur
ættardjásn“