Morgunblaðið - 31.12.2022, Síða 36

36 MORGUNBLAÐIÐ TÍMAMÓT 31.12.2022
Reuters/Loren Elliott TPX Images of the Day
Ástralar vísa tennisleikara úr landi
JANÚAR Novak Djokovic, einum fremsta tennisleikara heims, var vísað úr landi í Ástralíu
14. janúar, degi áður en opna ástralska meistaramótið átti að hefjast, vegna þess að hann
hafði ekki verið bólusettur gegn kórónuveirunni. Nefnd þriggja dómara staðfesti ákvörðun
stjórnvalda um að fella vegabréfsáritun Serbans úr gildi í þágu „heilbrigðis og reglu“. Alex
Hawke, þáverandi ráðherra innflytjendamála í Ástralíu, sagði að ákvörðunin hefði verið
tekin af ótta við að fengi hann að spila á mótinu gæti það orðið vatn á myllu andstæðinga
bólusetninga og jafnvel ýtt undir „borgaralega ólgu“ í landinu. Djokovic, sem unnið hefur
20 titla á stórmótum, sagði að ákvörðun sín um að fara ekki í bólusetningu væri persónu-
leg og hann vildi ekki láta hreyfingu andstæðinga bólusetninga setja sig á stall. Hér sést
Djokovic yfirgefa hótel sitt í Melbourne eftir að áritunin var felld úr gildi.
Nathalia Angarita/The New York Times
Fóstureyðingar leyfðar í Kólumbíu
FEBRÚAR Stjórnlagadómstóll Kólumbíu úrskurðaði 21. febrúar að fóstureyðing á fyrstu
24 vikum meðgöngu myndi ekki lengur teljast glæpur. Fram að því höfðu fóstureyðingar
aðeins verið leyfðar svo fremi að líf móður væri í hættu, móðirin hefði orðið þunguð eftir
nauðgun eða ef fóstrið var vanskapað. Kólumbíumenn eru flestir kaþólskir og íhaldssamir
í félagsmálum. Konur í Rómönsku Ameríku hafa lengi barist fyrir réttinum til fóstureyðinga.
Samtökin „Marea Verde“ eða „Græna bylgjan“, sem eiga rætur í Mexíkó, hafa verið þar í
fremstu víglínu. Samtökum gegn fóstureyðingum var sumum nóg boðið þegar dómurinn
féll og fóru í mótmælagöngur á götum Bogota. Á myndinni sjást stuðningsmenn fóstur-
eyðinga fagna fyrir utan höfuðstöðvar stjórnlagadómstólsins í höfuðborginni eftir að
niðurstaða hans lá fyrir.
Brendan Hoffman/The New York Times
Rússar ráðast
inn í Úkraínu
FEBRÚAR Rússar réðust af alefli inn í
Úkraínu 24. febrúar. Volodimír Selenskí,
forseti Úkraínu, setti herlög í landinu og
fyrirskipaði herkvaðningu allra karla í
landinu á aldrinum 18 til 60 ára. Um 13
milljónir Úkraínumanna flúðu landið eftir
innrásina og þriðjungur landsmanna var
á vergangi. Þetta er mesti flóttamanna-
vandi í Evrópu síðan í seinni heimsstyrjöld.
Vladimír V. Pútín, forseti Rússlands, kallaði
innrásina „sérstaka hernaðaraðgerð til að
afvopna og afnasistavæða“ Úkraínu og
var harðlega gagnrýndur víða um heim. Á
allsherjarþingi Sameinuðu þjóðanna var
samþykkt að fordæma innrásina og þess
krafist að rússneski herinn drægi sig alfarið
til baka. Stríðið hófst árið 2014 í héruðum
Úkraínu við landamæri Rússlands. Alþjóða-
glæpadómstóllinn hóf rannsókn á stríðs-
glæpum og glæpum gegn mannkyni, sem
framdir hefðu verið í Úkraínu síðan 2014. Á
myndinni sést hvar úkraínskir sjálfboðaliðar
fá afhent vopn í vopnabúri í Fastív í Úkraínu
í febrúar.
Mary Lyn Fonua/Matangi Tonga/AFP gegnum Getty Images)
Eldfjall við
Tonga skekur
heiminn
JANÚAR Umbrot í neðansjávareldfjallinu
Hunga Tonga-Hunga Ha’apai í Suður-
Kyrrahafi náðu hámarki 15. janúar eftir
að hafa verið að magnast upp vikum
saman. Gosið í fjallinu olli flóðbylgjum
í löndum við Kyrrahafið, þar á meðal á
Nýja-Sjálandi, í Japan, Chile og Banda-
ríkjunum. Þrír létust hið minnsta og öll
hús eyðilögðust á eynni Mango. Vísinda-
menn segja að gosið hafi hrundið af stað
fátíðri höggbylgju, sem fór um heiminn
á einum og hálfum sólarhring. Áhrif af
sprengigosinu voru mikil og mátti heyra
hljóðbylgjuna vegna þess allt til Alaska.
Gosið var það kraftmesta sem mælt hef-
ur verið með nútímatækni og var öflugra
en nokkurt gos eða kjarnorkuvopnatil-
raun undanfarin 100 ár. Konungshöllin í
höfuðborg Tonga, Nukualofa, var þakin
öskulagi eftir gosið í neðansjávarfjallinu.
FRÉTTAMYNDIR AF ERLENDUM VETTVANGI