Borgfirðingabók - 01.12.2012, Blaðsíða 46

46 Borgfirðingabók 2012
Áhrif kvenna í samfélaginu og innan trúarbragðanna voru víðtæk í
keltneskum sið og nornir voru ekki ofsóttar eins og boðað var í Róm.
Koleman var hliðstæða Péturs postula og talinn bera lykla himna-
ríkis. Það var sennilega Koleman sem mældi land við landnám og
afmarkaði heimsmyndir landnáma eftir keltnesku rituali. Á 11. öld
var talað svo til sama tungumál á englandi og Íslandi. Þá voru þar
einu þjóðir evrópu, sem rituðu á móðurmáli sínu, þeir fyrrnefndu
höfðu þá gert það í liðlega 300 ár. Það fer fáum sögum af starfi Rú-
dolfs því hann fór gegn yfirvöldum sem kenndu ritninguna á latínu.
Rúdólfur kenndi Íslendingum hins vegar að nota stafi sem túlkuðu
íslenskt talmál.5
Þegar Rúdólfur kom til Íslands árið 1030, sigldi hann hefð-
bundna siglingaleið borgfirskra höfðingja sem áttu í viðskiptum við
Normandy, inn Borgarfjörð, upp Hvítá og inn í eina dýrustu sveit
landsins að helgasta tákni heimsmyndar Skallagríms, Bæ. Lögmál
heimsmynda gera einmitt ráð fyrir menntasetri á þeim stað. Rúd-
ólfur kom frá Borginni Rúðu (Rouen) þar sem enska konungsættin
dvaldi á meðan Knútur ríki og synir hans réðu englandi. eins og
stöðu hans var sæmandi má gera ráð fyrir að með honum hafi komið
enskir klerkar og kennarar ásamt klukkunni forláta sem fyrr er nefnd.
Menntasetur Rudólfs var á þeim stað sem forfeður hans reistu Stone-
henge í heimsmynd Somerset. Frá Bæ tók Rudólfur að skipuleggja
kirkju á Íslandi.
en enskt-keltneskt menntasetur á Bæ samræmdist hvorki áformum
Noregskonungs um landvinninga á Íslandi né Ágústínusar armi
Rómversku kirkjunnar í Niðarósi. Bær var því ekki í náð yfirvalda.
Þar varð blóðugasta orusta Sturlungaaldar, og stuttu síðar var Snorri
drepinn svo til á næsta bæ, að Reykholti árið 1241.
Landnáma segir 900 manns hafi numið norðvestur fjórðung Ís-
lands. Leiða má líkur að því að landnám Íslands hafi farið fram sam-
kvæmt sköpunarathöfn síns tíma. Samkvæmt fornri heimsmynd var
rétt sköpuð veröld 360° hringur, hver fjórðungur 90°. Nýtt samfélag
hlaut að lúta réttum lögum, hlutföllum, síns tíma. Tveir höfðingjar
Vesturlands á Landnámsöld voru Auður djúpúðga og egill Skalla-
grímsson, sonur Skallagríms Kveldúlfssonar sem lést í hafi á leið
til Íslands. Auður nam Hvammsfjörð og dali, egill nam Mýrar og
Borgarfjörð. Þannig skiptu þau með sér besta undirlendi Vesturlands
í norður og suður. Að undanskyldu Suðurlandsundirlendinu þar sem