Skírnir - 01.09.2008, Qupperneq 52
326
SVEINN EINARSSON
SKÍRNIR
lega áttum í „stórborginni" Kaupmannahöfn. Hin þrjú leikritin
voru ósýnd, þeirra á meðal nýja leikritið sem hann hafði með sér
í farteskinu í Islandsferðinni, Sendiherrann frá Júpíter. Hann
hafði barið forgefins á dyr leikhúsanna með þessi leikrit.42 Og
hvað leikstjórn snertir, hafði hann ekki neitt fast í hendi, hvort
sem það var sjálfviljugt, eins og hann gefur í skyn í þessum blaða-
skrifum, eða ekki. Satt að segja kom hann ekki mikið að leikstjórn
eftir þetta, nema þegar í hlut áttu hans eigin leikrit. En það verður
rakið hér á eftir.
Morgunblaðið var einarður málsvari Kambans í ofangreindri
deilu og geystust þar fram á vígvöllinn m.a. Kristján Albertsson
(13. mars og 23. mars) og Árni Pálsson (27. febrúar). Sömuleiðis er
viðtal við Soffíu Guðlaugsdóttur (þá Kvaran) 24. febrúar sem
hnígur mjög í sömu átt, að vansæmd sé að þiggja ekki tilboð
Kambans. Og sjálfur ritaði Kamban mikið, t.d. 2. mars, þar sem
hann segist hafa boðið fram „leikforystu í nútíðarsniði“.43 Kamban
talar þar jafnframt um „sifjaliðsundirróður Leikfélagsmanna" og
„ástand, sem sé svo bágborið, að margir mentamenn vorra fáist
ekki til að vera sjónarvottar að því“.
Nú var það auðvitað rétt, að þrjár dætur Indriða Einarssonar
voru í forystusveit leikkvenna félagsins og hinn ungi leiðbeinandi,
Indriði Waage, var sonur hinnar fjórðu, Eufemiu Waage, konu
Jens B. Waage. Aðalleikkonan, Guðrún Indriðadóttir, var gift rit-
stjóra Vísis, Páli Steingrímssyni, svo að engan þurfti að undra þó
að Leikfélagsmenn ættu þar innangengt með sínar svargreinar.
Reyndar voru nokkrar greinar þar sem stærst var tekið upp í sig
nafnlausar, en í Morgunblaðinu kemur þó fram að þær muni ekki
ritaðar af ritstjóra Vísis.44 Indriði Einarsson blandar sér ekki í
deiluna að öðru leyti en því að í afmælisgrein vegna 30 ára afmælis
Leikfélagsins, þar sem hann gerir úttekt á rekstrinum síðustu 10
árin, segir hann að formleg menntun leikara skipti ein ekki máli,
42 í Dansk Forfatterleksikon 1900-1950, II, Kabenhavn 1960, segir að Dagmar-
leikhúsið hafi keypt sýningarrétt á Marmara, en leikurinn var aldrei sýndur
þar.
43 Sjá ennfremur Morgunblaðið, 5. mars og 9. mars 1927.
44 Kristján Albertsson, Morgunblaðið, 23. mars 1927.