Skírnir - 01.09.2008, Page 101

SKÍRNIR TENGSL JÓNASAR OG TÓMASAR 375
frömuðar meðal íslendinga í Höfn. Eitt af því sem þarf til að fylla
skarð Finns er að „geta pródúcerað söngva og kvæði þegar á ligg-
ur“. Tómasi er þá þegar ljóst að Jónas fullnægir því skilyrði þó að
ekki séu höfð mörg orð um þá hæfileika.
Oft skín í gegnum bréfin að Tómas líti á tal Jónasar um féleysi
sem fyrirslátt. Hann nefnir viljaleysi og að Jónas láti glepjast af
kvenfólki. Eflaust hafði Tómas mikið til síns máls því að Jónas var
í ástarfjötrum í Reykjavík. Tímamót urðu einmitt í þeim efnum
um það leyti sem hann sigldi utan haustið 1832.33
Það er svolítið neyðarlegt að Jónas „vildi“ loks koma þegar
Tómas var hvergi nærri til að taka á móti honum, hann var lagður
upp í Evrópureisuna miklu. Ekki skorti Tómas viljann og kjark-
inn til þess að leggja í slíka ferð en það þarf líka góða heilsu og þar
skorti Tómas helst vegarnesti. Ef til vill var hálfgert feigðarflan
fyrir svo heilsutæpan mann að leggjast í tveggja ára ferðavolk um
Evrópu, enda veiktist hann alvarlega undir lok ferðarinnar, lá á
þriðja mánuð rúmfastur í París með blóðspýting. í maí 1834
skreiddist Tómas á fætur, en ekki höfðu veikindin dregið úr eld-
móði hans. Hann kom til Kaupmannahafnar, hitti þar loks Jónas
eftir fimm ára aðskilnað og gekk til liðs við þá félaga sem hugðu á
útgáfu tímaritsins sem hlaut nafnið Fjölnir. En ekki naut hann
lengi samvista við Jónas sem hann hafði svo ákaft hvatt til að koma
utan. Nú dugði ekkert hangs í vinahópi í Höfn. Tómasi lá á að
komast til íslands þar sem stúlkan hafði beðið hans í festum í
fimm ár. En áður þurfti hann að tryggja sér gott embætti. Breiða-
bólsstaðarprestakall í Fljótshlíð var laust til umsóknar, um það
sóttu prestar og prófastar með áratuga reynslu, en Tómas beitti
áhrifum sínum og góðri aðstöðu, gekk fyrir háttsetta embættis-
menn og hlaut starfið.
Nú hafði heldur en ekki dregið sundur með þeim vinum. Jónas
rétt að hefja nám í Kaupmannahöfn þegar Tómas, útlærður
guðfræðingur, hélt til íslands til að kvænast og taka við prestsem-
33 Sjá Pál Bjamason 1969:54-59 og Pál Valsson 1999:62-75.