Skírnir - 01.09.2008, Blaðsíða 133
SKÍRNIR
T.S. ELIOT Á ÍSLANDI
407
vel. Nú hefir það verið gert að einæti og óæti, en einhver matur kann úr
því að verða, og aldrei má skáldskapurinn úldna upp í sama sullinu.2
Augljóst er að ljóð Eliots hefur orkað sem einskonar reiðarslag á
Stephan þrátt fyrir orð hans um hið gagnstæða. Þótt hann segist
þekkja ýmsar tilhneigingar í módernískri ljóðagerð, virðast hon-
um þær allar safnast fyrir og magnast í ljóði Eliots. Meðal þeirra
sem risu öndverðir gegn ljóði Eliots voru ummæli Stephans ekki
þau einu sem staðfestu (þótt með neikvæðum hætti væri) eftir-
farandi skoðun Ezra Pound: „Eyðiland Eliots tel ég vera réttlæt-
ingu „hreyfingarinnar“, nútímatilraunar okkar síðan 1900.“3 Eyði-
landið varð einskonar fulltrúi fyrir allan þann straum af róttækum
nútímaljóðum sem byltist fram á þessum árum. Afmörkun þessa
straums kann að vera óljós en hann kollvarpar hefðinni sem
Stephan var samgróinn og jafnframt þeirri rökvísi sem hann vildi
að kveðskapurinn byggi yfir. í bréfi sínu líkir Stephan Eyði-
landinu við veggjakrot sem fundist hafði í Surtshelli; sagnir hermi
að þetta krot sé verk útlaga en engum hafi tekist að ráða í það.
Umsögn sinni í bréfinu lætur Stephan fylgja stöku (að sjálfsögðu í
hefðbundnu formi) til að árétta afstöðu sína til ljóðs Eliots:
Sviðið allt er sandroks-ský.
Sjón mín er ei skýrri
en það að missa áttir í
eyðimörku nýrri.
Eyðilandið hefur hreyft við honum — ekki við dofnum rótum
(eins og segir í ljóði Eliots), heldur við hugsunum Stephans um
rætur eigin skáldskapar, þá hefð sem ekki megi „úldna upp í sama
sullinu“. Þetta eru athyglisverð orð frá virtu skáldi síðla á starfs-
ævinni. Þótt Stephan haldi sig fast við herðbundið kvæðaform í
2 Stephan G. Stephansson: Bréf og ritgerðir, þriðja bindi, Reykjavík: Hið íslenzka
þjóðvinafélag 1947, bls. 164. Sbr. Viðar Hreinsson: Andvökuskáld. Ævisaga
Stephans G. Stephanssonar, annað bindi, Reykjavík: Bjartur 2003, bls. 385-386,
og Guðrún Björk Guðsteinsdóttir: „Stephan G. og módernisminn. í tilefni nýrr-
ar ævisögu", Andvari, 129. árg., 2004, bls. 123-140.
3 Ezra Pound, tilvitnun sótt í Stanley Sultan: Ulysses, The Waste Land, and
Modemism. A Jubilee Study, Port Washington, N.Y.: Kennikat Press 1977, bls. 8.