Skírnir - 01.09.2008, Page 137

SKÍRNIR
T. S. ELIOT Á ÍSLANDI
411
Ljóst er að íslenskum bókmenntum hefði orðið fengur að því að
eignast meira af þessu magnaða ljóði í þýðingu Magnúsar. Eftir á að
hyggja hefði hann kannski átt að kljást fyrst við einhver önnur af
ljóðum Eliots. En hann virðist hafa ákveðið að ráðast beint í hjarta
myrkursins, en síðan ekki hugnast leiðangurinn. En auðvitað gerðist
þetta allt á sínum tíma undir yfirborðinu í bókmenntalífinu. Sú var
einnig raunin þegar gerð var tilraun til að þýða Eyðilandið um miðj-
an fimmta áratug tuttugustu aldar. Hannes Sigfússon var þá ungur
maður og hafði einsett sér að gerast rithöfundur en átti erfitt með að
fóta sig á þeirri braut. í endurminningum sínum, sem gefnar voru út
1985, rifjar hann upp að sumarið 1947 kom Steinn Steinarr að máli
við hann og bað hann að þýða ljóð eftir Paul Eluard sem hann og
gerði (eftir sænskri þýðingu). Steinn virðist hafa verið ánægður með
árangurinn því að hann fól Hannesi að þýða annað kvæði:
[...] sannleikurinn er sá að ég þarf nauðsynlega að fá kvæðið þýtt á íslensku
svo ég geti skilið það til hlítar. Það er nefnilega dálítið torskilið. Kanntu
ensku?
— Svolítið, svaraði ég hikandi, og var strax á verði. Hvað heitir kvæðið?
— The Waste Land — eftir T.S. Eliot. Það er frægasta kvæði sem ort
hefur verið á þessari öld. Tímamótaverk eins og Ulysses eftir James Joyce.
Ég skil ekkert í Magnúsi að hann skuli ekki hafa spreytt sig á því.
— Viltu ekki heldur biðja hann?
— Nei, því hann er vís til að ríma það, og það væri hrein fölsun. Það er
nefnilega ekki rímað af höfundarins hálfu nema endrum og eins.9
í þrjár vikur barðist Hannes við kvæðið en segist hafa orðið að
gefast upp við það í miðjum klíðum. Seinna lánaði hann einhverj-
um þýðingadrögin og þau hurfu. í endurminningum sínum vitnar
Hannes í nokkrar línur sem virðast hafa varðveist úr byrjuninni á
„A Game of Chess“ í þýðingu hans:
Skrautlegur stóllinn hvar hún hvílast lét
á marmaranum glóði. Bjartur spegill
borinn af súlum ofnum aldinviði
hvar gullinn Cupidon úr laufi leit
og huldi annar augun bak við vænginn ...
9 Hannes Sigfússon: Framhaldslíf förumanns, Reykjavík: Iðunn 1985, bls. 35-36.