Skírnir - 01.09.2008, Page 169

SKÍRNIR
HVIKULL ER DRAUMURINN ...
443
ekki hikað við að leggja inn á nýjar brautir. Hinn heiðni blær Eddukvæð-
anna hefur ekki hopað fyrir, heldur orðið förunautur sólheitra vinda frá
skógum og auðnum Afríku.12
Halldóra blandar í eigin ljóð ólíkum formum og stílbrigðum.
Ljóðin í fyrstu bók hennar eru frá nokkuð löngum tíma, 1929 til
1949, en það ár kom hún á prent. Hún nefnist einfaldlega Ljóð og
skiptist í þrjá kafla. Nýrómantíkin setur svip á bókina; þar eru
náttúruljóð, ástarljóð, gamanljóð og erfiljóð. Og hún yrkir í þjóð-
kvæðastíl, en það stílbrigði lét Halldóru vel. Má nefna hið þekkta
kvæði hennar, „Kall sat undir kletti", sem Jórunn Viðar samdi síð-
ar skemmtilegt lag við.13
Sum ljóðanna eru með þessum sárbeitta streng sem markar
ljóðagerð Halldóru. Það er þessi skýra aðkenning um fallvaltleika
alls og þversagnir mannlegs lífs sem einkennir þau, ekki síst ástar-
ljóðin. En við sjáum líka í fyrstu bókinni örla á þeim módernisma
sem er að ryðja sér til rúms á þessum tíma. Halldóra hefur verið
glögg á breytingarnar og næmi hennar leiddi þær inn í ljóðin.
Strax í öðrum hluta bókarinnar sem ortur er 1930-1940 sér nútím-
ans stað: „Bíll fer um Bláskeggsgljúfur"14 — og hún kveður um
fréttayfirlit útvarpsins af heimsviðburðum. Stundum er tónninn
gamansamur, jafnvel gáskafullur. Form ljóðanna er að mestu hefð-
bundið. Hún yrkir til að mynda undir sonnettuhætti („Dauðinn")
og bregður fyrir sig fornyrðislagi, eins og í erfiljóðinu eftir
Laufeyju Valdimarsdóttur:
Foringinn fljóða,
oft af fáum studd,
kveikt hafðir þú
kyndil albjartan.
Leiztu lengra fram
en lýðir sáu.
Varstu þeim vegljós
er vissu ei ráð né leið.15
12 Arnheiður Sigurðardóttir 1968.
13 Halldóra B. Björnsson 1968a:68-69.
14 Halldóra B. Björnsson 1949:46.
15 Sama rit:50—51.