Skírnir - 01.09.2008, Blaðsíða 207
SKÍRNISMÁL
HANNES HÓLMSTEINN GISSURARSON
Ósigur frjálshyggjunnar?
Eftir að Berlínarmúrinn féll 9. nóvember 1989 og sósíalistaríkin hrundu,
héldu margir, að runnið væri upp nýtt skeið veraldarsögunnar. Eins og
Hegel orðaði það, hefði fyrst einn maður verið frjáls (harðstjórinn, sem
réð lögum og lofum), síðan nokkrir (þegar ein stétt sat yfir hlut annarra),
en nú yrðu loks allir frjálsir. En þótt atvinnufrelsi ykist vissulega í heim-
inum samkvæmt mælingum, rættust ekki björtustu vonir frjálshyggju-
manna. Efasemdir um frjálst eða sjálfstýrt hagkerfi — í anda Johns Locke
og Adams Smith — eru orðnar háværar, ekki síst eftir stórfellt umrót
haustsins 2008 á alþjóðlegum fjármálamörkuðum. Enn er of snemmt að
segja til um, hvaða afleiðingar það hefur, enda hefur fugl viskunnar sig
aðeins á loft, er rökkva tekur, svo að enn sé vitnað til Hegels. Þrír prófess-
orar hafa hins vegar nýlega gagnrýnt frjálshyggju í Skírni. Páll Skúlason
hafnar því, að frjáls viðskipti séu allra meina bót. Sjónarhorn frjálshyggju-
manna sé of þröngt. Þorvaldur Gylfason telur, að ýmislegt annað skipti
máli en hagsæld, eins og hagfræðingar mæli hana. Til dæmis séu Evrópu-
búar um margt betur settir en Bandaríkjamenn þrátt fyrir minni hagvöxt.
Stefán Snævarr efast um, að frjálsari alþjóðaviðskipti síðustu tvo áratugi,
sem oft eru kennd við „hnattvæðingu“, hafi skilað snauðu fólki miklu.
1
Páll Skúlason hefur rétt fyrir sér um að frjáls viðskipti eru ekki allra
meina bót. En hver heldur slíku fram? Tveir helstu frjálshyggjuhugsuðir
sögunnar, John Locke og Adam Smith, höfðu allt aðrar hugmyndir. John
Locke varaði við misnotkun ríkisvalds. Hann vissi eins vel og Einar
Þveræingur, að valdsmenn eru misjafnir, sumir góðir og aðrir vondir.
Þess vegna yrði að setja valdi þeirra þröngar skorður. Þetta á eins við í
lýðræðis- og einræðisríkjum, því að meirihlutinn getur verið jafnskeikull
og harðstjórinn, auk þess sem sum mál eru þess eðlis, að afl atkvæða á
ekki að skera úr um þau. Hugsun Lockes má lýsa með dæmi af skipa-
Skírnir, 182. ár (haust 2008)