Skírnir - 01.09.2008, Qupperneq 243

SKÍRNIR HLYNUR HALLSSON OG ÞÁTTTÖKULIST 5\/
brögðin sem hann fékk. í lok greinarinnar er vitnað í orð hans þar
sem hann segir: „Ég held að ansi margir Ameríkanar hafi ekki
áhuga á tjáningarfrelsi [...] Meirihlutinn, kannski. Mín upplifun
var að margir voru reiðubúnir til að gefa það eftir.“2
En þar með lauk málinu ekki, því að Hlynur hélt til haga þeirri
umræðu sem fór fram í tilefni af sýningunni í Marfa, blaðagreinina
er að finna á heimasíðu hans og í sýningarskrá sem kom út síðar
er endurbirt harðorð og óvægin gagnrýni sem var skrifuð af
bandarískum listgagnrýnanda sem sakar Hlyn um sjálfbirgings-
hátt og að vera haldinn „órum hins taumlausa egós“.3 Það kemur
ekki á óvart að gagnrýnandinn varð hissa á því þegar Hlynur hafði
samband við hann og bað hann um leyfi til að birta greinina á
öðrum vettvangi.
Þessi atburður vekur upp ýmsar spurningar: Hvað gekk Hlyni
til? Hverju taldi hann að hann fengi áorkað? Af hverju valdi hann
þessa leið? Og þegar við skoðum þau viðbrögð sem verkið hlaut
og hvernig Hlynur sjálfur brást við, þá vakna enn fleiri spurn-
ingar: Er það til marks um að verkið hafi heppnast að það fékk
neikvæð viðbrögð meðal bæjarbúa? Voru það mistök hjá Hlyni að
breyta verkinu og beygja sig undir gagnrýni? Og er sú staðreynd
að Hlynur haldi gagnrýninni á loft til marks um að hann álíti að
neikvæð gagnrýni hafi verið verkinu til framdráttar?
Nokkrum af þessum spurningum er hægt að svara strax. Hlyn-
ur hefur gert mörg veggjakrotsverk eftir atburðina í Marfa og af
þeim má ráða að hann hafi lært sína lexíu, ef svo má að orði kom-
ast. Það var aldrei meiningin hjá honum að setja sjálfan sig í þá
aðstöðu að vera málpípa tiltekinna sjónarmiða með því að endur-
taka einhliða málflutning. Til að forðast að lenda í þessu aftur
hefur hann gripið til þess ráðs að stilla saman báðum hliðum við-
kvæmra mála, andstæðum skoðunum og mótsagnakenndum full-
2 „I think quite many Americans don’t have interest in free speech,“ Mr. Hallsson
said. „The majority, I don’t know. My experience was, quite many people would
be happy to give that one away.“ Jim Yardley, „Hoping to Inspire Talk, Artist
Ignites Debate", New York Times.
3 Paul T. Werner, 2002. Birtist í sýningarskránni Hlynur Hallsson, Bíó - Kino -
Movies, Nýlistasafnið 2003.