Tímarit hjúkrunarfræðinga - 2022, Blaðsíða 74

72 Tímarit hjúkrunarfræðinga | 3. tbl. 98. árg. 2022
Þróun mönnunar í hjúkrun á Landspítala
Í líkaninu eru settar fram fimm mismunandi
grunnforsendur fyrir mati á mönnunarþörf (A-E):
A/ Meðaltalsfjölgun hjúkrunarfræðinga á Landspítala
á árum 2010-2019.
B/ Fjöldi starfandi hjúkrunarfræðinga sem fara á lífeyrisaldur
á næstu 10 árum.
C/ Fjöldi hjúkrunarfræðinga yngri en 65 ára sem hætta
á spítalanum á ári.
D/ Fjöldi hjúkrunarfræðinga sem eru fjarverandi vegna
fæðingar- og foreldraorlofs.
E/ Meðaltalsfjöldi nýútskrifaðra hjúkrunarfræðinga frá
Háskóla Íslands og Háskólanum á Akureyri, ásamt
útgefnum hjúkrunarleyfum til erlendra hjúkrunarfræðinga.
Líkan 1
Ef gert er ráð fyrir að hjúkrunarfræðingum á Landspítala fjölgi
á ári í sama hlutfalli og á þeim 10 árum sem hér eru skoðuð,
að ráðið verið inn nýir hjúkrunarfræðingar fyrir alla þá sem að
hætta og að ráðið sé inn fyrir alla hjúkrunarfræðinga sem eru
í foreldra- og fæðingarorlofi, þá vantaði 44 hjúkrunarfræðinga
til að heildarfjöldi nýrra hjúkrunarfræðinga sem kemur árlega
inn á íslenskan vinnumarkað dugi til að mæta eftirspurn
eftir nýjum hjúkrunarfræðingum á Landspítala, en þá væru
engir aflögu fyrir aðra heilbrigðisþjónustu. Hins vegar væri
bæði óraunhæft og óæskilegt að ætla að allir nýúrskrifaðir
hjúkrunarfræðingar á landinu réðu sig á Landspítala.
Mynd 10. Spálíkan fyrir árlega nýliðunarþörf hjúkrunarfræðinga á Landspítala
Meðaltal á ári 2010-2019/2020 Forsendur Árleg %
breyting
Árleg þörf fyrir nýliðun Líkan 1 Líkan 2 Líkan 3 Líkan 4
Vöxtur Meðaltalsfjölgun hjúkrunarfræðinga á ári,
mv. þróun síðustu ára
34 34 2,4%
Starfslok vegna aldurs Fjöldi hjúkrunarfræðinga sem fara á
lífeyrisaldur á næstu 10 árum, á ári
39 39 39 39 6,2%
Starfslok / tímabundin fjarvera
vegna fæðingar- og foreldraorlofs
Fjöldi sem hættir 65 ára og yngri eða er í
fæðingar- eða foreldraorlofi
128 128 5,9%
Starfslok Fjöldi sem hættir 65 ára og yngri 65 65 5,9%
Meðaltalsþörf fyrir nýliðun á Landspítala 201 167 138 104 5,4%
Mismunur á nýliðunarþörf og árlegri
fjölgun á vinnumarkaði **
44 10 -18 -52
Meðaltal
á ári
HÍ Fjöldi nýútskrifaðra hjúkrunarfræðinga HÍ
2017/2010
71 5,6%
HA Fjöldi nýútskrifaðra hjúkrunarfræðinga HA
2017/2010
45 0,8%
Utan Íslands Fjöldi erlendra hjúkrunarfræðinga sem fá
starfsleyfi á Íslandi (2015-2019)
40 67,0%
Nýir hjúkrunarfræðingar inn í mannafla á
Íslandi
156 19,9%

Nýráðningar, fyrsta ráðning 93 1,6%
Nýráðningar, ráðning þeirra sem áður hafa
unnið á Landspítala
81 8,0%
Fæðingar- og foreldraorlof 62 3,0%
Langtíma veikindi* 67 12,0%
*Til upplýsingar, ekki gert ráð fyrir að langtímaveikndi séu mönnuð sérstaklega með nýráðningum
** Jákvæð tala þýðir að árleg fjölgun hjúkrunarfræðinga á vinnumarkaði dugar ekki til að uppfylla nýliðunarþörf,
þannig að þörf er á að ráða inn hjúkrunarfræðinga frá öðrum vinnustöðum

Einstaklingar
Árleg fjölgun hjúkrunarfræðinga á vinnumarkaði
Til upplýsingar ekki hluti af útreikningum
Líkan 2
Ef gert er ráð fyrir að hjúkrunarfræðingum á Landspítala
fjölgi ekki, að ráðnir verið inn nýir hjúkrunarfræðingar
fyrir alla þá sem að hætta og að ráðið sé inn fyrir alla
hjúkrunarfræðinga, sem eru í foreldra- og fæðingarorlofi,
þá vantaði 10 hjúkrunarfræðinga til að heildarfjöldi nýrra
hjúkrunarfræðinga, sem koma árlega inn á íslenskan
vinnumarkað, dugi til að mæta eftirspurn eftir nýjum
hjúkrunarfræðingum á Landspítala en sem fyrr væru þá engir
aflögu fyrir aðra heilbrigðisþjónustu.
Líkan 3
Ef gert er ráð fyrir að árleg fjölgun hjúkrunarfræðinga á
Landspítala sé sambærileg við árin 2010-2019 og að ráðnir
verið inn nýir hjúkrunarfræðingar fyrir alla sem að hætta, þá
myndi framboð verða nægjanlegt fyrir Landspítala og að auki
væru 18 nýir hjúkrunarfræðingar umfram þá eftirspurn sem
væri á Landspítala.
Líkan 4
Ef gert er ráð fyrir að hjúkrunarfræðingum á Landspítala fjölgi
ekki og að eingöngu verði ráðnir inn nýir hjúkrunarfræðingar
í stöður þeirra sem að hætta, þá væri umframframboð
af nýjum hjúkrunarfræðingum á landinu sem nemur 52
hjúkrunarfræðingum. Sem fyrr er hér ekki tekin inn þörf fyrir
nýliðun á öðrum heilbrigðisstofnunum.