Heilbrigt líf - 01.12.1942, Síða 65

Samkomuhús. Kirkjur. KirkjugartSar.
Á Bíldudal: „ . . . ekkert samkomuhús nema dálítil stofa
1 prívathúsi hjá einsetukarli". Fjársöfnun hafin til bygg-
ingar samkomuhúss. Á Þingeyri: Nýtt samkomuhús. I
Blönduóshéraði eru slík hús í öllum hreppum. öxarfj,-
hér.: „Samkomuhús vantar tilfinnanlega. Kirkjur ættu
allar að vera komnar norður og niður“. Þessi orð eru í
samræmi við ummæli sama héraðslæknis í skýrslu hans
1938, þar sem hann segir: „Af guðs mildi eru kirkjur
lítið notaðar“. Ekki ber að líta á þessi kjarnyrði héraðs-
læknisins sem guðlast. Hann á vafalaust við, að kirkj-
unum er svo lélega við haldið, að þær eru lítt embættis-
færar, einkum að vetri.
Rottur, mýs o. fl.
Einkennilegt er, að rottur skuli hvorki vera á Blöndu-
ósi né í Húsavík. I Ólafsfirði grafa þær í kirkjugarðinum.
Störf heilbrigðisnefnda.
í Reykjavík gekkst héraðslæknir fyrir reglugerð um
sölu á rjómaís. Ekki gekk það hljóðalaust, því að, þegar
til bæjarstjórnar kom, vildu sumir fulltrúarnir leyfa að
nota ís af Tjörninni við framleiðsluna! Líka beitti héraðs-
læknir sér fyrir nýrri reglugerð um fisksölu, en mun hafa
strandað, a. m. k. í bili. Kennir nokkurrar beizkju hjá
lækninum, og segir hann: „Af þessum tveimur atriðum
má nokkuð dæma, hversu fljótlegt er að koma hér á endur-
bótum og, hversu greiðfærar leiðir eru í gegnum mörg
skrifstofubákn og eiginhagsmunaklíkur“.
í Vestmannaeyjum segir héraðslæknirinn, að bæjar-
stjórn fari oft lítið eftir tillögum heilbrigðisnefndar.
„Götu- og sorphreinsari bæjarins hefir verið gerður að
heilbrigðisfulltrúa (til fjársparnaðar), og var það ekki
borið undir nefndina áður!“ — Ýmsir héraðslæknar
Heilbrigt líf
191