Heilbrigt líf - 01.12.1942, Page 74

sér, og það er bæði viðbjóðslegt og viðsjárvert, að þessar bólu-
settu skepnur eru étnar á eftir.
24. Það er guðlöstun eða brot á lögum náttúrunnar, að ætla sér að
„betrumbæta" manneskju, sem kemur heilbrigð úr hendi skapar-
ans eða náttúrunnar, með eitraðri vilsu úr búfénaði.
25. Það er jafn mikil óhæfa að blanda blóð mannsins efni, sem
tekið er úr skepnum, hvort sem á það er litið frá sjónarmiði
trúar og siðgæðis eða heilsufræði og vísinda, og ætti því að
banna það með lögum. Nýrri tíma rannsóknir sýna það lika,
að blóð óskyldra dýra er eitrað".
Eftir þessari bók að dæma og öðrum slíkum, á kúabólu-
setningin sök á flestu hugsanlegu böli, og bólusetjararnir
eru illgjarnir og óguðlegir glæpamenn og brjóta bæði guðs
og manna lög. Má það heita mesta furða, frá þessu sjónar-
miði, að ekki skuli hafa tekizt að uppræta mannkynið alveg
með kúabólusetningunni á þessari nærri hálfri annari öld,
sem liðin er, síðan bólusetningar hófust.
I Svíþjóð var um sama leyti mjög harðvítug mótspyrna
gegn kúabólusetningum. Voru þar einna fremstir í flokki
prestur að nafni Vallberg, er gaf út 4 bæklinga um bólu-
setningar 1910—1913, og smáskammtalæknir einn, Selldén
að nafni. Þessi klausa er í einu riti prestsins:
„Þegar Faraó gaf út þá skipun til verndar geg'n þeirri hættu, er
þjóð hans stafaði af Israelsmönnum, að deyða skyldi öll sveinbörn,
er þeim fæddust, þá var það ekki rangt af mæðrum barnanna að
leitast við að óhlýðnast lögunum og bjarga börnum sínum. Vér, sem
vitum, að bólusetningin bakar lífi barna vorra meiri eða minni
háska, vér höfum ekki aðeins rétt, heldur og skyldu til þess að leit-
ast við að bjarga börnunum undan böðulshníf Jenners og skepnu-
eitri kúabólusetningarinnar".
í riti þessu eru margar myndir af börnum, sem bólu-
setningin á að hafa afskræmt eða drepið, af barnalíkum
í kistum og af nautgripum hópum saman, sem áttu að
hafa drepizt af gin- og- klaufnaveiki af völdum kúaból-
unnar.
200
Heilbrigt líf