Gátt - 2013, Blaðsíða 30

30
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 3
talinu. Svona viðtöl ættu að koma meira inn í menntakerfið.“
(Umsögn nemanda frá vorönn 2012.)
Slík viðtöl bjóða upp á aukin tengsl námsins við atvinnu-
lífið. Hugur stendur til að nýta framsagnarþáttinn betur til að
undirbúa atvinnuviðtalið og ferilskrárgerðina og auka þannig
áherslu á bein tengsl við atvinnulífið. Almenn ánægja hefur
komið fram í umsögnum nemenda um námið að undanförnu
og það gefur okkur hjá Mími byr undir báða vængi varðandi
frekari þróun námsins. Þess má geta að námsleiðin hefur
verið aðlöguð og kennd Pólverjum við mikla ánægju nem-
enda. Til stendur einnig að bjóða innflytjendum af öðrum
þjóðernum upp á að sækja þetta nám.
Þróun námsleiðarinnar Þjónusta við ferðamenn hefur
verið áhugavert ferli sem við hjá Mími höfum lært af. Hún
sýnir mikilvægi þess að hlusta á raddir nemenda, nýta
þann auð sem býr í sérfræðingunum (kennurunum) og þá
möguleika sem sveigjanlegar námsskrár bjóða upp á. Einnig
er verið að þróa námsmat í Þjónustu við ferðamenn í náinni
samvinnu við kennara. Nemendur vinna lokaverkefni og í því
ferli eiga þeir að nýta allt sem þeir hafa lært í náminu. Því er
nærtækast að vinna formlegt námsmat í tengslum við þetta
lokaverkefni.
Ferðaþjónusta er síbreytileg og vaxandi atvinnugrein á
Íslandi og því ljóst að námið þarf að vera í sífelldri endur-
skoðun í takt við atvinnulífið. Það eru takmarkaðir mögu-
leikar fyrir fólk að sækja námskeið eða komast í stutt nám í
þessu fagi. Það koma jafnt nemendur með framhaldsskóla-
próf eða styttra nám að baki inn í þetta nám. Þó nokkrir hafa
farið í ferðamálanám í kjölfar þessa námskeiðs. Það er metn-
aðarmál okkar hjá Mími að koma til móts við ólíkar þarfir og
væntingar nemenda og auka möguleika þeirra á spennandi
störfum í margbreytileika ferðageirans á Íslandi.
U M H Ö F U N D A N A
Þorbjörg Halldórsdóttir er með B.Ed.-gráðu frá Kenn-
araháskóla Íslands og M.Paed.-gráðu í íslensku frá Háskóla
Íslands. Hún hefur starfað hjá Mími-símenntun frá árinu
2005 við verkefnastjórnun og íslenskukennslu.
Joanna Dominiczak er með B.A.-gráðu í íslensku fyrir
erlenda stúdenta með kvikmyndafræði sem aukagrein frá
Háskóla Íslands og er löggiltur skjalaþýðandi. Hún hefur
starfað hjá Mími-símenntun síðan árið 2007 við íslensku-
kennslu fyrir útlendinga og verkefnastjórnun.