Gátt - 2013, Side 75

75
R Á Ð G J Ö F O G R A U N F Æ R N I M A T
G Á T T – Á R S R I T – 2 0 1 3
hjá þátttakendum hvað þeir fá mörg færniviðmið stað-
fest í þessum hluta.
• Staðfesting og útskrift. Atvinnuleitendur fá staðfest
gögn um þátttöku sína (umsagnir og færniviðmið).
Einnig hafa þeir í höndum persónuleg gögn (sjálfsmats-
lista, ferilskrá, rafræna ferilskrá, færnimöppu, áhuga-
sviðsgreiningu o.fl.). Gögnunum er komið fyrir í færni-
möppu sem er aðgengileg og til þess fallin að hægt sé
að framvísa henni hvar sem er. Í lokin er formleg útskrift
þar sem atvinnuleitendur fá gögn sín í hendur.
S A M A N T E K T
Eftir að hafa skoðað þetta svið, bæði út frá eigin reynslu,
reynslu annars staðar frá og einnig fræðilega, erum við
nokkuð viss um að þetta ferli, Raunfærnimat fyrir atvinnu-
leitendur, sem hannað hefur verið, muni verða sá vettvangur
sem atvinnuleitendur geti nýtt sér til að yfirfæra færni sína
og mynda nauðsynlegan slagkraft til þátttöku í námi og/eða
starfi. Með hliðsjón af ástandi á vinnumarkaði er ljóst að
atvinnuleysi er samfélaginu dýrkeypt, bæði fjárhagslega og
samfélagslega (Åsa Hult og Per Andersson, 2008, bls. 34).
Með því að bjóða upp á Raunfærnimat fyrir atvinnuleitendur
teljum við okkur vera að vekja áhuga atvinnuleitenda á námi
og starfi og um leið að hjálpa þeim að finna slagkraftinn á
ný. Við langvarandi atvinnuleysi getur myndast óvirkni og
fólk hættir meðal annars að vera félagslega virkt. Raunfærni-
mat er í stöðugri þróun á Íslandi í dag og hefur gagnsemi
þess komið skýrt í ljós. Því er full ástæða á þessum tímum
að nýta aðferðafræði raunfærnimats í þágu atvinnuleitenda.
Mörg námskeið og úrræði hafa verið þróuð í þágu atvinnu-
leitenda og þekkja greinarhöfundar vel til þeirra. Margt hefur
virkað vel en annað ekki. Okkar löngun var að draga fram
ferli sem gæti dregið fram breytingu meðal þátttakenda sem
væri viðvarandi en ekki eingöngu til skamms tíma. Ferli sem
næði að rauntengja þátttakandann við vinnumarkaðinn með
afgerandi hætti. Við reyndum líka að nýta okkur það sem
hefur verið gert í löndunum í kringum okkur, læra af reynslu
annarra. Okkar trú er sú að þessi nálgun sé að öllu leyti skil-
virk, mannleg og hagkvæm. Verkefnið hefur verið prófað í
einum hópi hér á Íslandi og þá fengust ýmsar ábendingar
um hvernig mætti betrumbæta ferlið og er það efni í aðra
grein að segja frá því. Það er mjög spennandi tilhugsun að
nýta þessa nálgun og aðferðafræði fyrir hópa atvinnuleit-
enda. Einnig má nýta hana með hópum sem eru að ganga
í gegnum breytingaferli, t.d. innan stærri vinnustaða, eða í
tengslum við aðra skilgreinda markhópa.
H E I M I L D I R
Green, I. (2007). Framtidens kompetenser – och hur vi utvecklar dem. Stokk-
hólmur: Nordiska Ministerråd, NVL.
Hult, Å. og Andersson, P. (2008). Validation in the nordic countries. Policy and
practice. Sótt 15. apríl 2013 af http://www.nordvux.net/download/3069/
valid_nord_rap_eng.pdf.
U M H Ö F U N D A N A
Hildur Betty Kristjánsdóttir starfar sem verkefnastjóri og
náms- og starfsráðgjafi hjá Símenntunarmiðstöð Eyjafjarðar
á Akureyri. Hún hefur B.Ed.-próf í grunnskólafræðum, M.Ed.-
próf í stjórnun menntastofnana. Hún leggur stund á dokt-
orsnám í námi fullorðinna með áherslu á raunfærnimat við
Háskóla Íslands. Hún hefur starfað innan leik- og grunnskóla
við kennslu en síðustu ár við verkefnastjórn, kennslu og ráð-
gjöf innan fullorðinsfræðslunnar.
Valgeir Magnússon starfar sem verkefnastjóri og náms-
og starfsráðgjafi hjá Símenntunarmiðstöð Eyjafjarðar á
Akureyri. Hann hefur B.Ed.-próf í grunnskólafræðum og er
meistaranemi í náms- og starfsráðgjöf með áherslu á raun-
færnimat við Háskóla Íslands. Hann starfaði hjá Vinnumála-
stofnun en síðustu ár við verkefnastjórn, kennslu og ráðgjöf
innan fullorðinsfræðslunnar.