Gátt - 2013, Blaðsíða 85

85
R Á Ð G J Ö F O G R A U N F Æ R N I M A T
G Á T T – Á R S R I T – 2 0 1 3
Á vefnum verða upplýsingar um hvernig hafa má sam-
band við náms- og starfsráðgjafa á vettvangi framhalds-
fræðslunnar. Í samstarfi við fræðslu- og símenntunarmið-
stöðvarnar verður mótuð sú ráðgjöf sem mun verða í boði í
beinum tengslum við vefgáttina, t.d. símaráðgjöf og mögu-
lega netspjall sem eykur aðgengi markópsins að þjónustunni
í tíma og rúmi. Að sjálfsögðu getur vefgáttin nýst einstak-
lingum og náms- og starfsráðgjöfum utan markhópsins og
mun gera það í auknum mæli þegar til áframhaldandi þró-
unar kemur.
K Y N N I N G Á A F U R Ð U M
Í lok verkefnisins verða raunfærnimatsleiðirnar og upp-
lýsinga- og ráðgjafarkerfi um nám og störf kynnt í helstu
fjölmiðlum þannig að markhópurinn fái upplýsingar um þá
möguleika sem í afurðunum felast. Í kjölfarið má gera ráð
fyrir að mun fleiri úr markhópnum nýti sér tækifæri á vett-
vangi framhaldsfræðslunnar.
H V A Ð S V O ?
Í niðurstöðum könnunar OECD á færni fullorðinna (Pro-
gramme for International Assessment of Adult Competen-
cies, PIAAC), sem birtar voru á þessu ári, eru dregin fram
lykilatriði fyrir stefnumótun í málaflokknum. Þar er meðal
annars mælt með því að:
• Boðið sé upp á viðurkenningu á raunfærni til að auð-
velda fullorðnum aðgengi að námi og hvetja þá með
því til áframhaldandi náms. Bent er á að raunfærnimat
stytti leiðir að útskrift á námsbrautum og spari því fjár-
magn.
• Nýta vefinn til að gera upplýsingar og ráðgjöf aðgengi-
legri fyrir fólk með litla formlega menntun í því skyni að
hjálpa þeim að skilgreina eigin fræðsluþarfir og finna
hentugar leiðir.
Það er ljóst að í þessu verkefni er unnið ötullega að ofan-
greinum málaflokkum. Í lok þess verður búið að opna 47
nýjar leiðir í raunfærnimati. Samtals verða þá um 80 leiðir
tilbúnar í gegnum raunfærnimatskerfið (með þeim 30 sem
fyrir voru) hér á landi. Gert er fastlega ráð fyrir því að fleiri
einstaklingar vilji nýta sér þau tækifæri að kynningarherferð
lokinni. Að auki verður búið að opna upplýsinga- og ráð-
gjafarvef sem þarf að uppfæra og viðhalda svo að hann verði
áreiðanlegt og gagnlegt tæki við hvatningu til náms. Það er
því afar brýnt að unnið sé að áframhaldandi samstarfi og
fjármögnun þannig að raunfærnimatskerfið og vefurinn verði
varanlegar og sjálfbærar stoðir í íslensku menntakerfi. Stoðir
sem geta verið til fyrirmyndar í samfélagi þjóðanna.
U M H Ö F U N D I N N
Fjóla María Lárusdóttir er verkefnastjóri IPA verkefnisins
Þróun raunfærnimats til að efla starfshæfni fullorðinna með
litla formlega menntun. Hún hefur starfað sem náms- og
starfsráðgjafi hjá Fræðslumiðstöð atvinnulífsins frá árinu
2003 en vann m.a. áður hjá MFA og Mími-símenntun. Hún er
með M.Sc. próf í náms- og starfsráðgjöf frá California State
University á Long Beach og B.Ed próf frá Kennaraháskóla
Íslands. Helstu verkefni hennar tengjast náms- og starfsráð-
gjöf í atvinnu lífinu og mati á raunfærni.