Læknaneminn - 01.08.1968, Síða 6

Ásmundur Brekkan, yfirlæknir:
Hátíðarrœða
flutt á árshátíð F.L. 18. 2.
1968
Það er mér heiður og óblandin ánægja, að stjórn Félags lækna-
nema skuli hafa beðið mig að ávarpa ykkur hér í dag. Raunar má mér
finnast, að verkefnið sé mér ofviða, er ég lít í gerðarbækur ykkar og
blöð, og sé, hverjir ágætismenn hafa verið fyrirrennarar mínir í fiutn-
ingi þessara hátíðaávarpa, og þá minnist ég sérstaklega með virðingu
og söknuði starfsbróður okkar, Ólafs Björnssonar, sem talaði til ykkar
í fyrra, en er nú horfinn frá okkur svo óvænt.
Efni það, sem ég mun reyna að ræða við ykkur, er ákaflega laust
í reipunum, en ég vildi samt reyna að skyggnast nokkra áratugi fram
á við um þjóðfélags- og tækniþróunina, og spyrja þess, hver áhrif
þeirrar þróunar verða á læknisstarfið og ef til vill ekki sízt á eigið
mat læknisins á starfi sínu og viðhorfi hans til þjóðfélagsins, félags-
lega og siðfræðilega. Vitanlega mun ég ekki geta svarað neinum af
þessum spurningum, og ég veit, að þið ætlizt ekki til þess af mér, en
við getum velt þeim fyrir okkur sameiginlega, bæði nú og hér, og ann-
ars staðar síðar, og þá veit ég, að svörin verða jafnmörg og við erum
hér inni, sem á annað borð nennum að velta fyrir okkur ýmsum fjar-
stæðum hugmyndum.
Annars er ég viss um það, að þér, læknanemar í dag, eruð á marg-
an hátt miklu betur undir það búin að meðtaka, hugleiða og reyna að
brjóta til mergjar vandamál, læknisfræðileg, félagsleg og siðfræðileg,
en við vorum á ykkar reki, sem að vísu ennþá gjarnan viljum telja
okkur tiltölulega unga, þótt við í raun og veru séum það alls ekki.
Mér sýndist nauðsynlegt, þegar ég var að hugleiða þetta ávarp, að
skuli reynt að líta svo sem tvo áratugi fram á við, þá neyðist maður
ekki síður til að líta um öxl um að minnsta kosti jafnlangan tíma, og
þá runnu upp fyrir mér þær skelfilegu staðreyndir, að það eru rétt 17
ár síðan ég útskrifaðist úr læknadeild Háskóla Islands, en í vor verða
25 ár síðan ég lauk stúdentsprófi, og um næstu áramót 24 ár síðan ég
fyrst byrjaði að vinna á spítala.