Læknaneminn - 01.08.1968, Qupperneq 57

LÆKNANEMINN
51
Hann þarf að hafa gott og stöðugt
samband við kennara og stúdenta
og verður tengiliður milli þeirra.
Til að byrja með er hugsanlegt,
að einhver kennaranna tæki þetta
að sér sem aukastarf, en þegar frá
líður, hlýtur þetta að vera fullt
starf.
Segja má, að það sé meginsjón-
armið nefndarinnar, að hún sé
ekki að semja fullkomna reglu-
gerð, sem geti staðið óbreytt um
árabil. Reynslan hefur sannarlega
sýnt, að slíkt er ógjörningur.
Ætlunin er að semja sveigjanlega
og rúma reglugerð, en jafnframt
verði komið á fót fastanefnd kenn-
ara og stúdenta, sem fylgist með
árangri kennslunnar og geri til-
lögur til úrbóta í samráði við
kennslustjóra. Nefnd þessi þarf að
sjálfsögðu að fylgjast vel með því,
sem gerist í kennslumálum við
læknadeildir erlendis og taka til
athuganir allar nýjungar. Fasta-
nefnd þessi er mjög mikilvæg og
nauðsynleg, til að við drögumst
ekki aftur úr, eins og verið hefur.
Almenn atriði.
Ætlunin er að taka upp árganga-
kennslu, og virðast allir sammála
um, að það verði til mikilla bóta.
Með þessu verður bætt úr
einum af stóru göllunum í nú-
verandi kennslukerfi, og þetta at-
riði út af fyrir sig gerir kennsluna
miklu virkari. Einnig er ætlunin
að kenna allt háskólaárið, þ.e. frá
15. september til 15. júní. Próf
verða á hverju vori og aðeins á
vorin, eins og sést á töflunni.
Mikið hefur verið um það rætt,
á hvern hátt skuli takmarka f jölda
stúdenta. Eðlilegast virðist, að
deildin velji sjálf þá stúdenta, sem
halda áfram námi, og geri það með
prófum á fyrsta árinu. Einnig er
hugsanlegt, að stúdentspróf verði
notað og í því sambandi má benda
á þá staðreynd, að undanfarin ár
a.m.k. hafa nær því allir, sem lok-
ið hafa embættisprófi, haft fyrstu
einkunn á stúdentsprófi. Gallinn
á þessum takmörkunum er sá, að
hámarksfjöldinn ákvarðast af að-
stöðu á rannsóknarstofum og
sjúkrahúsum, en enginn veit,
hversu marga nýja lækna þjóð-
félagið þarf að fá árlega.
Tillögurnar miða að því að
minnka ófrjóan bóklestur, sem
hefur verið allsráðandi í núver-
andi kennslukerfi, en auka í stað-
inn verklega kennslu. Bókalestur
er að verða dálítið úreltur, og nú-
tíma kennsluaðferðir miða að því,
að nemendurnir noti sem flest
skilningarvit við námið. í þessu
sambandi er lagt tii, að gefnar
verði einkunnir fyrir verklegt nám
á rannsóknarstofum og sjúkra-
deildum.
Frjálsa valið, sem var í tillög-
um bláu bókarinnar, var mjög
skemmtileg hugmynd, en ekki
tókst að fella það inn í núverandi
tillögu, og er það því fellt niður.
I stað þess er lagt til, að árlega
verði örfáum efnilegum stúdent-
um gefinn kostur á að fá ársfrí
frá náminu. Þessir stúdentar gætu
lagt stund á hvað sem er í þessu
fríi. Þeir gætu unnið við sjúkra-
hús eða rannsóknarstofnanir hér
eða erlendis. Einnig mættu þeir
leita út fyrir takmörk læknisfræð-
innar, til annarra deilda Háskól-
ans eða erlendra háskóla.
Lagt er til, að fræðileg kennsla
miði að því að veita stúdentum
yfirsýn í allri greininni, en á þessu
hefur stundum orðið mikill mis-
brestur. Verkleg kennsla miðar
aftur á móti oftast að því að kenna
vísindaleg vinnubrögð, og eru þar
valin þrengri verkefni í þeim til-
gangi.