Læknaneminn - 01.04.1991, Page 30

** má nota sem fyrstu rannsókn eða sem
viðbótarrannsókn við sjúkdóma í kviðarholi,
grindarholi, hjarta og æðakerfi.
***hefur vissar takmarkanir vegna
öndunarhreyfinga, en truflanir á myndgerð vegna
hjartsláttar og blóðflæðis eru ekki lengur vandamál.
Miðtaugakerfið
Líkt og gerðist í tölvusneiðmyndatækninni fyrir
10-12 árum, var fyrst sýnt fram á gildi segulómunar
við sjúkdóma í miðtaugakerfinu. Nú er segulómun
fyrsta rannsókn á sjúkdómum á heila, mænu og
mænugangi, þar sem hennar er völ og kemur næst á
eftir venjulegum röntgenmyndum í greiningu
bakverkja og hryggsjúkdóma (mynd 8). Aðeins í
ýmsum bráðatilfellum og við órólega sjúklinga yrði
tölvusneiðmyndarannsókn fyrstaval. Hætt verðurað
gera rannsóknir með skuggaefni í mænugangi
(myelografia)nemaí undantekningartilfellum. Miklar
vonir eru bundnar við þróun æðaskoðanna sérstaklega
áhöfði og hálsi. Sumirstaðir (Cleveland Clinic USA)
telja sig ná árangri sambærilegum við stafræna
æðaskoðun (DSA) eftir inndælingu í slagæð, en aðrir
Mynd 8. Acoustic neurinoma. T1 mynd eftir Gd-DPTA
gjöf-
eru ekki eins ánægðir með árangurinn ennþá. Með
tilkomu paramagnetiskra “skuggaefna” hefur
“sérgreiningarhæfni (specificitet)” rannsóknanna
aukist og má þannig yfirfæra mikið af túlkun,
þekkingu og “empíriskri” reynslu frá TS tækninni yfir
á segulómunarmyndir. Þannig má greina betur milli
bjúgs og æxlisvefs og komast nær vefrænni
greiningu.
Segulómun er mjög næm fyrir ýmsum
“hrörnunar” sjúkdómum í heilavef eins og við heila-
og mænusigg. Sumir telja að breytingar komi fyrr
fram á segulómun en í mænuvökva og þannig megi
sjúkdómsgreina fyrr og stytta biðtíma og óvissu hjá
sjúklingum og ættingjum .
Segulómun greinir æxli í mænu og má sérgreina
þau eftir útliti. Hrörnunarbreytingar í liðþófum sjást
sem breyting á merki og flest liðþófahlaup greinast.
Margir álíta að segulómrannsókn sé næmasta aðferðin
til aðgreinameinvörp íbeinumt.d.hrygg. Aðalkostur
MRI umfram venjulegar röntgenmyndir,
tölvusneiðmyndir, myelografiu og ísótópaskoðun, er
að með einni rannsókn fæst besta mögulega
líffærafræðilegtyfirlityfir hryggmænugangogmænu
(aðþrengd á einum eða fleiri stöðum?) auk
staðsetningar á meinvörpum í beinum.
Mynd 9. Hné. T1 mynd.
28
LÆKNANEMINN 1 1991 44. árg.