Læknaneminn - 01.04.1998, Qupperneq 35

Um sémám í Bandaríkjunum
viðkomandi prógram hafi verið sett á “probation” eða
skilorð. Þetta er gert af ýmsum orsökum, t.d. ef
“residentar” eru óánægðir með kennsluna eða utanað-
komandi aðilum finnst “residentar” ekki fá þá reynslu
sem nauðsynleg er, t.d. ef upp á vantar að þeir fái að
gera tilteknar aðgerðir. Ymsar fleiri gagnlegar upplýs-
ingar er að fmna í þessum listum. Þar kemur m.a. fram
hversu margir sóttu um tiltekið prógram á síðasta ári,
hversu margir fengu viðtal, meðaleinkunn “residenta” í
USMLE “step” 1 og 2, meðalfjöldi vinnutíma á viku,
fjöldi útlendinga í prógraminu (FMG; foreign medical
graduate) og fjöldi aðgerða (í kirurgískum greinum)
sem “resident” getur búist við að gera meðan á náminu
stendur. Gott er að kynna sér þessar upplýsingar til
hlítar og með góðum fyrirvara, því þegar kemur að því
að sækja um stöður eru þessar upplýsingar ómetanleg-
ar. Það er t.d. góð regla að sækja um mis sterk prógröm
til að reyna að tryggja að maður komist að. Þetta á
helst við um fög sem eru vinsæl meðal innfæddra og því
mjög erfitt fyrir útlendinga að komast í (skurðlækning-
ar, fæðinga- og kvensjúkdómalælcningar, augnlækning-
ar ofl). Prógröm sem eru á skilorði, fengu fáar um-
sóknir á síðasta ári og hafa marga útlendinga í sérnámi
eru almennt talin veik prógröm og gott er að sækja um
á nokkrum þannig stöðum. Það er alltaf möguleiki síð-
ar að skipta um stað, t.d. á öðru eða þriðja ári í sérnámi
og einnig er gott að gera sér grein fyrir því að stórt og
frægt nafn prógrams tryggir ekki að þar fáist betri
menntun en annars staðar.
Á undanförnum 5 til 6 árum hafa orðið umtalsverð-
ar breytingar á fjölda umsækjenda um stöður í sérnámi
í Bandaríkjunum. Árið 1991 sóttu 23.156 um þær
22.756 stöður sem í boði voru en 1997 sóttu 35.377
um 22.396 stöður. Þessi fjölgun umsókna er fyrst og
fremst vegna aukinnar ásóknar útlendinga í stöður.
1991 sóttu 4.075 útlendingar um stöðu í sérnámi en
1997 voru þeir orðnir 13.811. Þannig hefur fjöldi um-
sókna frá útlendingum meira en þrefaldast á 6 árum.
Mikil umræða hefur verið í Bandaríkjunum um að tak-
marka fjölda útlendinga í sérnámi þar í landi. I grein
sem birtist í New England Journal of Medicine í júní
1996 er fjallað ítarlega um þessi mál. Þar kemur m.a.
fram að af starfandi læknum í Bandaríkjunum eru 23%
útlendingar. Frá 1988 til 1994 hefur fjöldi útlendinga
sem komast inn í sérnám í Bandarílcjunum meira en
tvöfaldast, frá 2201 til 5891 á ári. Bandarískir læknar
hafa mildar áhyggjur af yfirvofandi offramboði á lækn-
um og því hefur verið reynt að koma í gegnum þingið
ályktun sem myndi takmarka aðgang útlendinga veru-
lega. Sú ályktun geklc út frá því að stöður í sérnámi
yrðu ekki fleiri en 110% af þeim fjölda lækna sem út-
skrifast frá bandarískum læknaskólum ár hvert. Einnig
voru uppi áætlanir að hætta að borga fyrir sérnám út-
lendinga í Bandaríkjunum. Medicare, sem er almanna-
tryggingakerfi fyrir aldraða og fatlaða, borgar nú
kennslusjúkrahúsum ákveðna upphæð á ári fyrir hvern
lækni í sérnámi. Af þessari upphæð heldur sjúkrahúsið
u.þ.b. helmingnum en hinn helmingurinn rennur til
læknisins. Engar hömlur eru á því hversu marga lækna
hvert sjúkrahús má hafa í sérnámi og því hefur verið
nokkuð um það að sjúkrahús hafa verið að fjölga náms-
stöðum til þess að fá meiri peninga í kassann. Þessu
vilja margir breyta og hefur tillaga þess efnis þegar
komið fyrir Bandaríska þingið. Sem betur fer hafa
þessar tillögur ekki enn verið samþylcktar og er það
ekki síst að þakka Bill Clinton, forseta Bandaríkjanna,
sem hefur barist gegn þessum breytingum. Þrýstingur
á breytingar eykst þó stöðugt og ekki er ólíklegt að
þessar tillögur muni koma til framkvæmda á komandi
árum. Nú þegar hefur skilyrðum fyrir inntöku í sér-
nám í Bandaríkjunum verið breytt með tilkomu nýs
prófs (Clinical Skills Assessment,CSA) sem fjallað verð-
ur um hér á eftir.
Til að geta sótt um framhaldsnám í Bandaríkjunum
þarf að hafa lokið “ameríska prófinu” (USMLE, United
States Medical Licensing Examination). Fram til þessa
hefur þetta próf samanstaðið af þremur hlutum og eru
tveir þeir fyrstu teknir hér á landi en þriðji hlutinn er
tekinn eftir að sérnám er hafið, venjulega eftir fyrsta
árið í sérnámi. Nauðsynlegt er að ná öllum þessum
prófum til að fá lækningaleyfi í Bandaríkjunum.
Einnig þarf að ljúka enskuprófi. Sú breyting hefur nú
orðið að frá og með fyrsta júlí 1998 þarf einnig að taka
klínískt próf (Clinical Skills Assessment,CSA) sem ein-
ungis er hægt að taka í Bandaríkjunum. Til að fá upp-
lýsingar um USMLE prófið er best að hringja í Menn-
ingarstofnun Bandaríkjanna (s. 562 1021) og biðja um
að fá sendan bækling heim. Einnig er hægt að skoða
heimasíðu ECFMG (Educational Commission for For-
eign Medical Graduates) á internetinu (sjá aftar). Hafa
verður á þessu góðan fyrirvara því umsóknarfrestur fyr-
ir prófin rennur út u.þ.b. 3 mánuðum áður en prófin
LÆKNANEMINN • l.tbl. 1998, 51. árg.
33