Bændablaðið - 11.05.2023, Blaðsíða 8

8 Bændablaðið | Fimmtudagur 11.maí 2023
FRÉTTIR
Nánar um nýja tryggingu bænda
Allir félagsmenn Bændasamtaka Íslands á aldrinum 18–74 ára eru
nú tryggðir með tímabundna afleysingu í allt að sex mánuði, verði
þeir ófærir til starfa af völdum slyss eða sjúkdóms, samkvæmt nýjum
samningi milli BÍ og Sjóvár.
Samningurinn tók gildi 1. apríl sl. Félagsmenn munu því framvegis
leita til Sjóvár varðandi bætur en ekki til Velferðarsjóðs BÍ eins og áður.
Sjóðurinn stendur straum af greiðslu iðgjalda fyrir hóptrygginguna
sem og greiðslu á eigin áhættu.
Hér að neðan er að finna helstu upplýsingar um trygginguna.
Starfsfólk BÍ getur veitt nánari upplýsingar en að öðru leyti skal leita
til Sjóvár varðandi bætur og meðhöndlun tjóna.
Spurt og svarað um staðgengilstryggingu
• Hvað er staðgengilstrygging? Staðgengilstrygging greiðir
kostnað við staðgengil eða aðkeypta þjónustu sem fellur til ef
félagsmaður verður óvinnufær í a.m.k. þrjá mánuði af völdum
veikinda eða slysa.
• Hverjir eru tryggðir í staðgengilstryggingu? Staðgengils-
trygging nær yfir alla félagsmenn Bændasamtaka Íslands á
aldrinum 18 til og með 74 ára.
• Hvað eru bætur staðgengilstryggingar háar og hvað eru
þær greiddar lengi? Bætur geta orðið allt að 350.000 kr. á
mánuði og eru greiddar í sex mánuði að hámarki, þó ekki fyrir
fyrsta mánuð óvinnufærni.
• Hvað þarf óvinnufærni að vera mikil til að eiga rétt á bótum
úr staðgengilstryggingu? Óvinnufærni þarf að vera 50% að
lágmarki til að eiga rétt á bótum úr staðgengilstryggingu.
• Hvenær falla nýir félagsmenn Bændasamtakanna undir
staðgengilstryggingu? Nýir félagsmenn eru tryggðir í
staðgengilstryggingu eftir þrjá mánuði frá félagsaðild.
• Hvernig sæki ég um bætur? Félagsmenn tilkynna tjón til
Sjóvár og þurfa að leggja fram gögn (kvittanir/reikninga) fyrir
útlögðum kostnaði vegna afleysingarmanneskju eða aðkeyptrar
þjónustu sem sérstaklega var stofnað til vegna óvinnufærni og
eru viðbót við hefðbundinn kostnað við búreksturinn. Rafræn
skilríki eru notuð til auðkenningar. Tjón eru tilkynnt á vef Sjóvár.
Vigdís Häsler, framkvæmdastjóri Bændasamtaka Íslands, og Heiður
Huld Hreiðarsdóttir, forstöðumaður fyrirtækjaráðgjafar hjá Sjóvá, við
undirritun samningsins.
Reykhólahreppur:
Yngsti bóndi landsins
Kolbeinn Óskar Bjarnason,
keypti í vor bústofn og fjárhús
á Kötlulandi, sem er í útjaðri
þorpsins á Reykhólum í Austur-
Barðastrandarsýslu. Hann er
fæddur í júlí 2005 og þar með
enn 17 ára.
Aðspurður af hverju hann ákvað
að fara í búskap, svarar Kolbeinn
að hann sé mjög áhugasamur um
landbúnaðarstörf. Sá sem var með
búskapinn áður hafði hug á að
hætta í lok vetrar og bauð Kolbeini
búreksturinn til kaups. Fyrri bóndi á
Kötlulandi er ekki tengdur Kolbeini
fjölskylduböndum. „Hann var bara
að leita að kaupanda og vissi að ég
hafði áhuga,“ segir Kolbeinn.
Aðdragandinn að eigenda-
skiptunum var ekki langur, en
það var ekki fyrr en seint í vetur
sem viðræður milli Kolbeins og
fyrri eiganda hófust fyrir alvöru.
Ábyrgðin á búskapnum færðist
í hendur Kolbeins fyrir einum og
hálfum mánuði og segir hann allt
hafa gengið vel síðan þá. Fyrstu
ærnar bera í byrjun maí og ætlar
Kolbeinn að nýta sumarfríið sitt til að
sinna sauðburði. Þegar Bændablaðið
heyrði í Kolbeini í síðustu viku var
sauðburður ekki hafinn og enn
nokkuð rólegt í búskapnum.
Kötlulandi fylgir ekki stór
eignarjörð, en hann leigir 24 hektara
af túnum frá hreppnum. Engar vélar
fylgdu kaupunum, fyrir utan eina
haugsugu. Hann segist fá mikla
hjálp frá bæjunum í kring ef þörf er
á vélavinnu. Bústofninn núna er 220
vetrarfóðraðar ær.
„Þetta er bara æðislegt – að
geta gert eitthvað sjálfur,“ segir
Kolbeinn aðspurður um hvernig
nýfengið hlutverk leggist í hann.
Kolbeinn er með nokkra reynslu af
landbúnaðarstörfum, en hann hefur
unnið sem vinnumaður í þrjú sumur
á kúabúi í Landeyjum, ásamt því að
hafa búið um tíma hjá frænda sínum
sem rekur stórt sauðfjárbú.
Aðspurður um hvaða stefnu
hann ætli að taka í búskapnum,
segir Kolbeinn að hann vilji ná sem
mestum fallþunga hjá lömbunum
og fullnýta fjárhúsin. Hann segir
byggingarnar bjóða upp á hátt í 400
vetrarfóðraðar ær. Meðfram búskap
starfar hann í Þörungaverksmiðjunni
á Reykhólum.
/ÁL
Kolbeinn Óskar Bjarnason er yngsti bóndi landsins. Hann er með 220 kindur
í fjárhúsum við þorpið á Reykhólum. Mynd / Aðsend
Sauðfjárrækt:
Vilja leyfa kaup á líflömbum
með verndandi arfgerð
Sauðfjárræktarfélag Hrunamanna
skorar á Matvælastofnun að
leyfa kaup á líflömbum sem
bera verndandi arfgerð gegn
riðuveiki milli sauðfjárbúa
innan varnarhólfs í ályktun sem
samþykkt var á aðalfundi þess.
Aðalfundur Sauðfjárræktarfélags
Hrunamanna var haldinn á Flúðum,
23. apríl 2023. Í ályktun fundarins
eru baráttukveðjur sendar til
sauðfjárbænda í Miðfirði.
„Verndandi arfgerðir fyrir riðu
hafa fundist hér á landi og því verða
stjórnvöld að bregðast við strax með
auknu fjármagni til rannsókna og
arfgerðagreininga. Með því megi flýta
fyrir riðuþolnum stofni og koma í veg
fyrir kostnaðarsaman, umdeildan og
sársaukafullan niðurskurð sem hefur
verið veruleikinn fram til þessa.
Fundurinn skorar á Matvæla-
stofnun að leyfa kaup á milli
sauðfjárbúa innan sveitarfélags og/
eða varnarhólfs á líflömbum sem
bera í sér verndandi arfgerð gegn
riðuveiki. Með því móti má hraða
mikilvægri þróun í baráttunni við
þennan illvíga sjúkdóm, sporna
gegn skyldleikaræktun og stytta
þann tíma sem tekur bændur að
koma sér upp hjörðum sem að fullu
bera verndandi arfgerð gegn riðu.
Jafnframt skorar fundurinn á
yfirvöld að bændum verði heimilt
að sækja fé sitt í réttir, óháð
varnarlínum, beri féð sannarlega í
sér þessa verndandi arfgerð. Þá hefur
fundurinn efasemdir um margar hinna
svokölluðu varnarlína í núverandi
mynd sem engan veginn hafa staðið
undir nafni sem slíkar.
Fundurinn lýsir einnig yfir
stuðningi við ályktun sem fundur
sauðfjárbænda í Miðfirði sendi frá
sér þann 16. apríl síðastliðinn sem
og stuðningsyfirlýsingu stjórnar
sauðfjárbænda í Rangárvallasýslu
og hvetur matvælaráðherra til
að innleiða nú þegar viðauka
VII í heild við ESB-reglugerð nr
999/2001 sem tók gildi á Íslandi
2012 (reglugerð 41/2012), en
sá kafli var undanskilinn við
innleiðingu reglugerðarinnar.
Þá sendir fundurinn góðar
kveðjur til sauðfjárbænda um land
allt með von um að vorið verði
hagfellt á komandi sauðburði og
hvetur til þess að allir leggi sitt
af mörkum í hinu stóra verkefni
fram undan sem er að byggja upp
verndandi arfgerð gegn riðu í
íslensku sauðfé.
Að lokum sendir Sauðfjár-
ræktarfélag Hrunamanna hlýjar
baráttukveðjur til sauðfjárbænda í
Miðfirði í Húnavatnssýslu og vonast
er til að síðasti niðurskurðurinn
vegna riðu sé afstaðinn,“ segir í
ályktun frá Sauðfjárræktarfélagi
Hrunamanna. /ghp
Með því að leyfa kaup á líflömbum með verndandi arfgerð má flýta fyrir
riðuþolnum sauðfjárstofni. Mynd / HGS