Bændablaðið - 06.07.2023, Blaðsíða 16

16 Bændablaðið | Fimmtudagur 6. júlí 2023
NYTJAR HAFSINS
SeaRanger og Rescue Runner
eru trúlega ein mögnuðustu björgunartæki
sem í boði eru í dag.
Getum boðið nýja báta á góðu verði.
Leitið tilboða hjá okkur.
Svansson ehf, Melabraut 19, 220 Hafnarfjörður
Sími 697 4900, Netfang : sala@svansson.is
Svanson ehf
Strandveiðar:
Veiðum líklega lokið
í næstu viku
Þau 10.000 tonn af þorskkvóta
sem matvælaráðherra úthlutaði
strandveiðimönnum fyrir
strandveiðitímabil ársins eru
svo gott sem uppurin, nú strax í
byrjun júlímánaðar.
Arthur Bogason, formaður
Landssambands smábátaeigenda,
furðar sig á því hversu þröngt
strandveiðistakkurinn var sniðinn
þetta árið í ljósi þess hversu
mjög þorskstofninn hafi styrkst frá
síðasta ári.
Lítil aukning þrátt fyrir
styrkingu stofnsins
„Niðurstöður Hafrannsókna-
stofnunar voru á þá leið að íslenski
þorskstofninn hefði styrkst um að
minnsta kosti 7% frá fyrra ári, en
engu að síður varð það niðurstaðan
að ráðleggja 1% aukningu á
þorskafla þetta fiskveiðiárið,”
segir Arthur.
Niðurstaðan hafi því verið
vonbrigði, sér í lagi í ljósi þess
sem hann segir strandveiðimenn
hafa reynt á eigin skinni það sem
af er tímabils. „Það er fiskur úti
um allt, hringinn í kringum landið.
Hver einasti strandveiðimaður sem
okkur er kunnugt um hefur sömu
sögu að segja; það er allt vaðandi
í fiski.
Það er eilítið merkilegt að Haf-
rannsóknastofnun taki sínar
mælingar snemma vors og út-
hlutun sé ákvörðuð út frá þeirra ráð-
leggingum, en svo þegar menn halda
til veiða þá er ekki þverfótað fyrir
fiski. Það er allt teppalagt, landið
hringinn um kring,“ segir hann.

Mokveiði landið um kring
Strandveiðitímabilið hefst að
jafnaði 2. maí ár hvert. Árið 2022
lauk strandveiðitímabilinu 23. júlí
en nú er staðan sú að rétt um 90%
úthlutaðs strandveiðikvóta er þegar
veiddur.
„Strandveiðitímabilið mun því
klárast eftir næstu helgi, enda
potturinn svo gott sem tómur. Það er
súrt í brotið fyrir karlana að hverfa
frá veiðum nú strax í júlíbyrjun
enda er veiðitímabilið rétt að rjúfa
tveggja mánaða markið,“ segir
Arthur. Í reglugerð komi fram að
heimilt sé að veiða tólf veiðidaga
á tímabilinu maí, júní, júlí og ágúst
en nú sé kvótinn búinn og menn
séu því einfaldlega nauðbeygðir
til að hætta.
„Ég leyfi mér að setja
spurningarmerki við ráðgjöf
Hafrannsóknastofnunar annars
vegar og upplifun þeirra 700
sjómanna sem stunda strandveiðar
við Íslandsstrendur. Hvernig má
það vera að ráðherra skammti
strandveiðimönnum 10.000 tonn
á meðan það mokveiðist enn
undan hverri einustu fjöru?“ bætir
Arthur við.
Heimild til aukningar strand-
veiðikvóta skýr og til staðar
Aðspurður um það hvort ráðherra
geti aukið við strandveiðipottinn
úr því sem komið er segir Arthur
að sú sé vissulega raunin. „Við
vonum svo sannarlega að ráðherra
auki við, já.
Við erum einfaldlega sannfærðir
um það að það sé af miklu
meira en nægu að taka, en það
virðist ekki alveg fara saman
hljóð og mynd í ráðleggingum
Hafrannsóknastofnunar annars
vegar og upplifun strandveiðimanna
hins vegar hvað þetta varðar.
Ef þú spyrð mig þá er hreinlega
ómögulegt að 700 sjómenn hringinn
í kringum Ísland, sem allir hafa
nákvæmlega sömu sögu að segja,
hafi svona kolrangt fyrir sér hvað
ástand fiskistofna varðar. Ráðherra
hefur hins vegar fulla heimild til að
auka við strandveiðipottinn í ljósi
þeirrar stöðu sem upp er komin og
það myndi gleðja okkur gríðarlega.
Við sjáum til hvað verður í þeim
efnum,“ segir hann.
Ráðgjöf Hafrannsóknastofnunar
hljóðaði upp á að heildarmagn
þorsks yrði 211.309 tonn fyrir
yfirstandandi fiskveiðiár, sem er
1% aukning frá árinu í fyrra þegar
ráðlagður þorskkvóti var 208.846
tonn. Eins og fyrr segir er 10.000
tonnum af því magni úthlutað til
strandveiðimanna og mætti sú tala
að mati Arthurs vera mun hærri.
„Það hlýtur að fara að mega
endurskoða þetta, því það er bara
ósköp einfaldlega rangt gefið. Hér
er ekki einu sinni verið að taka tillit
til þess sem við vitum að viðgengst
og er viðvarandi vandamál, sem er
brottkast. Það er ekkert tillit til þess
tekið að staðreyndin er sú að það er
ákveðið hlutfall afla stóru skipanna
sem iðulega hverfur aftur í hafið,
á meðan strandveiðimenn hirða
hvern einasta sporð. Þar að auki
þrengir að strandveiðikörlum með
auknum reglusetningum frá ári til
árs, og ef fram heldur sem horfir
verður það komið í reglugerð innan
skamms hvorum megin menn mega
pissa yfir borðstokkinn eftir því úr
hvaða átt vindurinn blæs hverju
sinni,“ segir Arthur Bogason
um núverandi ástand íslenska
strandveiðigeirans.
„Það er fiskur úti um allt, hringinn í kringum landið. Hver einasti strandveiðimaður sem okkur er kunnugt um hefur
sömu sögu að segja; það er allt vaðandi í fiski,“ segir Arthur Bogason. Mynd / Haukur Hólmsteinsson
Arthur Bogason, formaður Lands-
sambands smábátaeigenda.
Þorvaldur B. Arnarson
thorvaldur@bondi.is
en svo þegar menn
halda til veiða þá
er ekki þverfótað fyrir
fiski ...“
Vilja sanngjarnara kerfi
Á svæði C kemur mestur fiskur eftir að veiðar eru stöðvaðar. Mynd / Aðsend
Formaður, varaformaður og
stjórnarmaður í Strand veiði
félagi Íslands funduðu með
sjómönnum á Þórshöfn,
Borgarfirði eystri og í Neskaup-
stað um helgina.
Erindi fundanna er kerfislægur
vandi sem strandveiðisjómenn á
Norðausturlandi og Austfjörðum
glíma við. Veiðarnar verða stöðvaðar
í byrjun júlí, á meðan einungis 80
prósent aflans er kominn á land.
Þetta sé sama sagan og á síðustu
vertíð og bitni mest á svæði C, en
þar fer ekki að veiðast almennilega
fyrr en í júlí og ágúst.
Samkvæmt fréttatilkynningu
frá stjórn Strandveiðifélags Íslands
kemur fram að mæting hafi verið
góð og að ræddar hafi verið leiðir
til að ráða bót á stöðu C svæðisins,
sem Strandveiðifélagið kallar
„bráðavanda“. Stjórnin segir ljóst
að strandveiðisjómönnum sé mest
í mun að strandveiðikerfið sé
sanngjarnt fyrir alla landshluta.
Strandveiðisjómenn um allt land
eru í sama liðinu.
Kjartan Sveinsson formaður,
Friðjón Ingi Guðmundsson
varaformaður og Álfheiður
Eymarsdóttir stjórnarmaður sóttu
strandveiðisjómennina heim og
segjast hafa fengið dýrmætar
upplýsingar af þessum fundum og
skipuleggi nú næstu skref. /ÁL
Humarleiðangur Hafró
Hafrannsóknastofnun hélt í
rannsóknarleiðangur dagana 6.
til 15. júní síðastliðinn.
Þar var stofnstærð humars metin
út frá humarholufjölda með hjálp
neðansjávarmyndavéla.
Myndað var á 89 stöðum, allt vestan
frá Jökuldýpi á Faxaflóa austur til
Lóndýpis. Niðurstöður leiðangursins
verða kynntar í haust þegar búið er
að fara yfir allt myndefnið, en fyrsta
yfirferð bendir til aukningar frá síðasta
mati. Frá þessu er greint í frétt á
heimasíðu Hafrannsóknastofnunar.
Togað var á 17 stöðum
til að safna upplýsingum um
stærðarsamsetningu og kynþroska.
Á flestum stöðum veiddist lítið af
humri og voru þeir almennt stórir.
Þekkt er þegar veiði er dræm
að einkum veiðist stór dýr. Enn
fremur voru tekin háfsýni á 26
stöðum til að fá upplýsingar um
magn humarlirfa og samsetningu
dýrasvifs á svæðinu. Leiðangurinn
fór fram um borð í Bjarna
Sæmundssyni HF 30, rannsóknar-
skipi Hafrannsóknastofnunar. /ÁL