Bændablaðið - 06.07.2023, Blaðsíða 57

57 Bændablaðið | Fimmtudagur 6. júlí 2023
Bærinn Syðri-Hofdalir er staðsettur
í Viðvíkursveit, austanvert í Skaga-
firði, 22 km frá Varmahlíð og einnig
frá Sauðárkróki. Þar búa hjónin
Klara Helgadóttir og Atli Már
Traustason, ásamt hinum ýmsu
öngum fjölskyldunnar.
Ábúendur: Klara Helgadóttir, Atli
Már Traustason, Trausti Kristjánsson
og Ingibjörg Aadnegard.
Fjölskyldustærð: Fjölskyldustærð
er mjög teygjanlegt hugtak. Á Syðri-
Hofdalatorfunni búa Atli og Klara
ásamt Anítu Ýri, 21 árs, sem reyndar
er í útlegð í Svarfaðardalnum hjá
kærastanum, og Trausta Helga 16
ára, Trausti og Imba, Trausti Valur
(bróðir Atla) ásamt Gunnhildi og
fjórum börnum, Friðrik Andri (elsti
sonur Atla og Klöru) ásamt Lilju
Dóru og Veigari Má en þau búa í
Fagraholti, sem er tekið út úr landi
Syðri-Hofdala. Valla, frænka Atla, býr
síðan fyrir ofan veg í Einholti.

Stærð jarðar: Syðri-Hofdalir eru um
300 ha þar af 100 ha ræktaðir. Einnig
nytjum við jörðina Svaðastaði sem
liggur að Syðri-Hofdölum en hún er
um 1.200 ha, þar af 40 ræktaðir.
Gerð bús: Blandaður búrekstur,
mjólkurframleiðsla, nautakjöts-
framleiðsla, hrossarækt og
sauðfjárrækt í meintri riðupásu.

Fjöldi búfjár: Um 80 mjólkurkýr auk
uppeldis, 120 naut í eldi, alls um 300
nautgripir, 60 hross, sauðfé var um
700 við niðurskurð, tveir smalahundar
og einn minkahundur.
Hvernig gengur hefðbundinn
vinnudagur fyrir sig á bænum:
Dagurinn hefst á mjöltum kl. 06. Um
kl. 10 stormar Atli af stað í „vinnuna“
en hann dundar við að sinna þurfandi
mjólkurkúm kollega sinna í firðinum.
Önnur tilfallandi störf eftir árstíðum.
Seinni mjöltum lýkur um kl. 20 en oft
vill vinnudagurinn teygjast fram eftir.
Skemmtilegustu/leiðinlegustu
bústörfin: Atla finnst jarðvinnsla
skemmtilegust en trúlega er hann einn
um þá skoðun. Sauðburður var ofarlega
á listanum hjá yngri kynslóðinni.
Leiðinlegast er að fást við bilaðar vélar
og veikar skepnur.
Hvernig sjáið þið búskapinn fyrir
ykkur á jörðinni eftir 5 ár: Fleiri kýr,
meiri mjólk,100 kg meira meðalfall á
nautum með tilkomu kyngreinds sæðis,
aftur sauðfé og hver veit nema fjárfest
verði í mjaltaþjónum.
Hvað er alltaf til í ísskápnum: Rjómi,
lýsi og AB mjólk, annars er hann
yfirleitt tómur ;)
Hver er vinsælasti maturinn á
heimilinu: Grillað folaldakjöt,
hvítlauksristaður humar, jólafrómasinn
og hefðbundið lambalæri.
Eftirminnilegasta atvikið við
bústörfin: Þegar ný fjárhús voru tekin
í notkun árið 2004 og öll vinnan við
sauðféð fór fram undir einu þaki í stað
þess að vera á þremur jörðum. Einnig
þegar nýja fjósið var tekið í notkun í
mars 2019 og fyrstu dagarnir á eftir
þegar halda þurfti á hverri kú inn í
mjaltabásinn renna seint úr minni.
Stærðir: S M L XL
Yfirvídd: 94 100 111 120
Efni: Þingborgarlopi og tvíband.
450-450-500-550 g lopi í aðallit.
100 g lopi mynsturlitur 1, 50 g
skraut-tvíband mynsturlitur 3, 20
g af hverjum hinna, litaður lopi
eða jurtalitað tvíband.Einnig fást í
Þingborg pakkningar með passlegu
magni af efni í peysuna.
Sokkaprjónar 4 og 5 mm
Hringprjónar 4 og 5 mm
40 og 80 cm langir
Prjónfesta:
14 l og 23 umf í sléttu prjóni
= 10 x 10 cm
Önnur prjónastærð getur hentað,
allt eftir því hvort prjónað er fast
eða laust, finnið það út með því
að prjóna prufu. Prjónað er úr
plötulopanum tvöföldum. Bolur og
ermar eru prjónuð í hring, á opinni
peysu eru prjónaðar 2 aukalykkjur
upp alla peysuna, fitjaðar upp að
loknu stroffi að neðan.
Bolur:
Fitjið upp 132-140-156-168 l á 4
mm 80 sm hringprjón, prj stroff í
hring 6-8 sm perluprjón eða hverja
þá gerð af stroffi sem vill. Skipt
yfir á 5 mm 80 sm hringprjón þegar
stroffi er lokið. Prjónað sl uns bolur
mælist 38-46 sm. (Lengd á bol er
smekksatriði, mælið viðkomandi og
metið hvað þið viljið hafa bolinn
síðan.) Á dömupeysu er fallegt að
gera ,,mitti“ á peysuna með því að
taka úr á bol. Setjið merki í báðar
hliðar, takið úr 2 l hvoru megin, *prj
2 l saman, prj 1 l, prj 2 l saman*.
Fyrst er tekið úr er bolur mælist 8-12
sm og síðan 2x aftur með 5 sm á
milli. Alls eru teknar úr 12 l. Prj 5
sm, þá er aukið út aftur samsvarandi
og með sama millibili og tekið var
úr og endað með sama lykkjufjölda.
Mælið ykkur og metið hvað þið
viljið hafa bolinn síðan og hvar þið
viljið að úrtaka byrji.
Ermar:
Fitjið upp 32-36-36-40 l á 4 mm
sokkaprjóna prjónið stroff í hring
6-8 sm. Skiptið yfir á 5 mm
sokkaprjóna þegar stroffi er lokið og
aukið strax um 2 l undir miðri ermi,
(1 l eftir fyrstu lykkju og 1 lykkju
fyrir síðustu l í umf). Endurtakið
aukningu 8-8-9-9 x upp ermi, með
u.þ.b. 8 umf á milli, þar til 50-54-
56-60 l eru á prjóninum.
Skiptið yfir á 40 sm 5 mm
hringprjóninn á u.þ.b. miðri ermi.
Gott er að nota prjónamerki til að
merkja þar sem aukið er út. Prjónið
uns ermi mælist 44-52 sm. (Mælið
handlegg og metið hve ermin á að
vera löng)
Axlastykki:
Sameinið nú bol og ermar á 5 mm 80
sm langa hringprjóninn. Setjið 5-5-
5-6- síðustu l og 5-5-6-6- fyrstu l á
báðum ermum á prjónanælu.
Setjið 10-10-11-12 af bol á
prjónanælu þar sem umferð byrjar
vinstra megin á bol.
Prjónið fyrri ermina við bolinn
40-44-45-48 l, prjónið næstu 56-60-
67-72 l af bol og setjið næstu 10-10-
11-12 l á hjálparprjón. Prjónið seinni
ermina við og gerið eins og með
hana. Prjónið síðan 56-60-67-72 l
af bol, þá eru 192-208-224-240 l á
prjóninum. Þá byrjar mynstur. Þegar
prjónaðar hafa verið sex umferðir af
mynstri er aukið út um 4 lykkjur í
stærð S og um 2 lykkjur í stærð M,
óbreytt tala er í stærð L, en fækkað
um 2 lykkjur í stærð XL.
Prjónið mynstur áfram eftir
teikningu. Þegar fyrstu úrtöku er
lokið er í umferð 22 aukið út um 2
lykkjur í stærðum M og XL. Prjónið
áfram og notið styttri hringprjóna
eftir því sem lykkjum fækkar. Þegar
mynstri lýkur er tekið úr aukalega
þar til 64-72 l eru eftir á prjóninum.
Þá er skipt á 4 mm 40 cm hringprjón
og prj 3-4 sm stroff og 4 umf slétt
prjón, fellt af. Gangið vel frá öllum
endum og lykkjið saman undir
höndum.
Þvottur:
Þvoið flíkina í volgu vatni með góðri
ullarsápu eða sjampói. Skolið vel og
vindið svo í hálfa mínútu í þvottavél.
Mikilvægt er að vélin fari strax að
vinda, (þær eru misjafnar að þessu
leyti) en sé ekki að veltast með flíkina
fyrst, þá getur hún þófnað. Leggið
peysuna á handklæði til þerris.
Hönnun: Margrét Jónsdóttir
Syðri-Hofdalir
BÆRINN OKKAR
HANNYRÐAHORNIÐ
Rósa
- Upplögð í sumarprjónið