Bændablaðið - 06.07.2023, Blaðsíða 37
37Bændablaðið | Fimmtudagur 6. júlí 2023
Tilkynning: Til búfjáreigenda í Árborg. Frá eiganda Efra Sels.
Vakin er hér með athygli búfjáreigenda á að samkvæmt lögum og reglum um lausagöngubúfjár í
Árborg, er óheimilt með öllu að beita utanaðkomandi búfénaði á land Efra Sels.
Verði ágangur, ágangsbúfénaðar í land Efra Sels, verður umsvifalaust og án frekari aðvaranna
í samstarfi við Stjórnsýslufulltrúa eða Dýraeftirlitsmann Árborgar, farið í smölun jarðarinnar.
Ágangsbúfénaði verður komið á hús, þar sem eigendur ágangsbúfénaðarins geta nálgast hann.
Rukkað verður fyrir kostnað smölunar, mögulegar og sýnilegar skemmdir á trjágróðri, ökutækjum og
öðrum eignum af hálfu umrædds ágangsbúfénaðar, sem og geymslugjald fyrir hvern sólarhring sem
skepnur eru ekki sóttar. Rukkað er fyrir hverja skepnu eftir marki hennar.
Sbr.33. og 34. gr. lagan nr.6/1986 og samþykkt um búfjárhald í sveitarfélaginu Árborg.
26. 06. 2023. Landeigandi.
„Eftir að hafa notað STRONGER LIVER
í nokkra mánuði þá kom í ljós að blóðprufan kom
óvenjulega vel út, öll gildin fyrir lifrina voru mun
betri en áður. Þetta kom mér skemmtilega
á óvart og hef ég verið mjög ánægður með
vöruna því að mér líður vel af því að nota hana.
Því get ég sagt með sanni að ég mæli með
STRONGER LIVER frá Eylíf og ætla að halda
áfram að nota vöruna.“
Ragnar Þór Alfreðsson
trésmiður
Halldór ásamt nefndarmönnum reiðveganefndar Andvara árið 2004, þeim
Elísabetu Þóru Þórólfsdóttur og Sveini Skúlasyni.
„Árið 1997 skipaði samgöngu-
ráðherra nefnd um reiðvegamál, nefnd
undir stjórn Jóns Rögnvaldssonar, þá
aðstoðarvegamálastjóri, þar var m.a.
lagt til að reiðleiðir skyldu flokkaðar
og skráðar. Úr varð að reiðveganefnd
LH fékk þetta verkefni í fangið og er
það upphafið að kortasjánni. Reynt
var samstarf við Landmælingar
Íslands, þar sem hestamenn voru
fengnir til að bera með sér gps tæki
í hestaferðir. Það gekk lítið því menn
gleymdu að slökkva á tækjunum,
batteríin kláruðust og það voru alls
konar uppákomur. Árið 2007 sá ég
svo frétt í blaðinu frá Loftmyndum
og ég hugsaði með mér að þetta væri
málið. Í þetta verkefni þurfti ég að
finna með mér hestamann sem væri
tæknimenntaður, t.d. verkfræðingur,
og skömmu síðar hnaut ég um
Sæmund Eiríksson. Hann var til í
að koma með mér í málið og hann
hefur sko reynst okkur hestamönnum
betri en enginn. Kortasjáin væri ekki
til í þeirri mynd sem hún er í dag ef
hans liðsinnis hefði ekki notið við.“
Kortasjána má finna á heimasíðu
LH, lhhestar.is. Úr kortasjánni má
taka út gps hnit, hlaða inn í eigið
tæki og ríða af stað eftir þeim
hnitum. Gerður hefur verið samningur
við Neyðarlínuna, 112, sem hefur
afnot af öllum reiðleiðaferlum úr
kortasjánni, sem er öryggisatriði
fyrir ríðandi umferð. „Ég sé ekki
fyrir mér að hestamenn verði án
kortasjárinnar í framtíðinni. Umsóknir
hestamannafélaga um reiðvegafé
berast um kortasjána, þar sem m.a.
er hægt að teikna inn reiðleiðir og
skila inn greinargerð um það sem
búið er að gera. Þar eru allir skálar á
landinu, áningarhólf og auðvitað allar
þær reiðleiðir sem búið er að skrá í
dag, sem telja um 14.650 km.“
Fimmtán milljarða þarf til
Drög að nýrri samgönguáætlun, fyrir
árin 2024 til 2038, var kynnt 13. júní
sl. og er nú til umsagnar í samráðsgátt
stjórnvalda þar sem opið er fyrir
athugasemdir til og með 31. júlí.
Á haustmánuðum verður endanleg
áætlun lögð fram sem er gerð fyrir 15
ár í senn, en skipt niður í þrjú fimm
ára tímabil.
„Við erum búin að berjast fyrir
því lengi að fá aukið fjármagn í
reiðvegagerð og ég er vongóður um
að hugsanlega verði bætt úr því við
afgreiðslu næstu samgönguáætlunar.
Innviðaráðherra skipaði starfshóp
um stöðu reiðvegamála á Íslandi.
Niðurstaða starfshópsins var sú að
það þarf 15 milljarða til að koma
öllum reiðvegum landsins í gott
ástand. Við gerum okkur þó grein fyrir
því að það sé langsótt að það fáist.
Starfshópurinn leggur til að úthlutun
reiðvegafjár verði 1,5 milljarðar á
fyrsta tímabili, 1,4 milljarðar á öðru
tímabili og 1,45 milljarðar á þriðja
tímabili. Samtals um 4,35 milljarðar
á 15 ára tímabili. Það eru þá um
300 milljónir til úthlutunar á hverju
ári á fyrsta tímabilinu, en er nú um
75 milljónir á ári. Þetta er tillaga
nefndarinnar til ráðuneytisins, og
er að mínu mati mjög hófleg tillaga,
og yrði heilmikil lyftistöng fyrir
hestamennskuna.“
Halldór telur að í gegnum
tíðina hafi hestamenn verið of
undanlátssamir, og í sumum tilvikum
hafa breytingar á reiðvegum ekki
alltaf verið bornar undir hestamenn
heldur hafa sveitarfélögin framkvæmt
án samráðs. „Reiðvegamál eru
stanslaus vinna, þetta eru verkefni
sem enginn gerir fyrir okkur – við
verðum að gera þetta sjálf.“