Bændablaðið - 24.08.2023, Qupperneq 40

40 Bændablaðið | Fimmtudagur 24. ágúst 2023
LÍF&STARF
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Beint frá býli-dagurinn var haldinn hátíðlegur í öllum
landshlutum sunnudaginn 20. ágúst síðastliðinn í
tilefni 15 ára afmælis félagsins, en markmiðið er að
hann verði að árvissum viðburði.
Að sögn Oddnýjar Önnu Björnsdóttur, framkvæmda-
stjóra Beint frá býli og verkefnastjóra hátíðanna, var
tilgangur dagsins að bjóða íbúum og gestum landshlutanna
heim á býli þar sem bændur vinna úr eigin afurðum. Um
leið höfðu þeir tækifæri til að kynnast og kaupa vörur af
öðrum heimavinnsluaðilum af svæðinu, samhliða því að
eiga góðan og fjölskylduvænan dag á íslensku bóndabýli.
Aðildarfélag að Samtökum
smáframleiðenda matvæla
Gestgjafar voru félagsmenn í Beint frá býli sem er
aðildarfélag Samtaka smáframleiðenda matvæla. Á
Vesturlandi var gestgjafinn Háafell – Geitfjársetur, á
Vestfjörðum Brjánslækjarbúið, á Norðurlandi vestra
Stórhóll í Skagafirði, á Norðurlandi eystra Holtsel í
Eyjafirði, á Austurlandi Lynghóll í Skagafirði og á
Suðurlandi Efstidalur II í Bláskógabyggð.
Landshlutasamtök sveitarfélaganna og markaðsstofur
landshlutanna voru samstarfsaðilar og hluti þeirra styrkti
verkefnið enda flest með sérstakar mataráætlanir.
Oddný Anna segir að félagsmenn á lögbýlum séu 112
og hafði ríflega helmingur tök á að taka þátt. Hún segir
að hátíðarhöldin hafi heppnast framar vonum. Hundruð
gesta streymdu á afmælishátíð hvers landshluta og reiknast
henni til að hátt í 3000 manns hafi sótt bæina heim.
Framleiðendur hafi selt mun meira en þeir áttu von á og
náð góðu samtali við gesti sem voru afar áhugasamir og
jákvæðir. Börn á öllum aldri voru stór hluti gesta sem nutu
þess að vera í sveitinni, hitta dýrin og leika sér.
Veitingasala kvenfélaga
Oddný Anna segir að afmæliskökur, skreyttar merki
félagsins, kaffi og djús hafi staðið gestum til boða á öllum
stöðunum. Auk þess var veitingasala sem kvenfélög tóku
að sér á þeim bæjum sem ekki eru með eigin veitingastaði
eða kaffihús, voru jafnvel með skottsölu og sums staðar
var góðgæti grillað.
Dagskráin litaðist af eiginleikum hvers
staðar og voru dýrin á bæjunum að sjálfsögðu
miðpunkturinn og sums staðar var teymt undir
börnum. Finna mátti heimatilbúin frumleg
leiksvæði, hoppukastala og hoppubelgi,
gestir gátu jafnvel grillað sjálfir yfir opnum
eldi, málað steina og heyrúllur, farið í
skoðunarferðir og fleira. Síðast en ekki síst var
þetta tækifæri fyrir íbúa að hittast í sumarlok,
síðasta helgidaginn fyrir skólabyrjun og eiga
góðan dag saman í sveitinni. /smh
Afmælishátíð Beint frá býli:
Hátt í 3.000 manns sóttu bæina heim
Háafell Geitfjársetur, gestgjafinn á Vesturlandi.
Félagið bauð gestum upp á afmælisköku, kaffi og djús. Þessa bakaði Kvenfélag Skriðdæla.
Elínborg Erla Ásgeirsdóttir, Breiðargerði kynnir og selur vörur sínar á Stórhóli í Skagafirði sem var gestgjafinn á Norðurlandi vestra.
Brjánslækjarbúið á Barðaströnd var gestgjafinn á Vestfjörðum.
Brjánslækur: Ýmis afþreying og fróðleikur var í boði á afmælishátíðinni.
Traktorinn á Lynghóli í Skriðdal, sem var gestgjafinn á Austurlandi, nýttist vel fyrir fána félagsins og til að halda tjaldinu föstu í gjólunni.