Goðasteinn - 01.03.1964, Blaðsíða 50

Þá er ÍB 634 8vo. Þetta er mikið rit, 342 bls., en ekki verk Odds
að öðru en því, að hann hefur gjört titilblað og skrifað „íauka“.
- Rit þetta heitir „Þorkatla hin meiri“, kvæðasafn o. fl. með
hendi Þorkels lögrm. Jónssonar á Hrauni í Grindavík og við hann
kennt. Nafngreindir höfundar m.a.: Björn á Skarðsá, Guðm. Berg-
þórsson, Hallgrímur Thorlacius, Páll lögm. Vídalín, séra Stefán
Ölafsson, og blessaður karlinn Vigfús á Leirulæk rekur lestina.
Þorkell var fæddur um 1720, lögréttumaður í Kjalarnesþingi frá
1767-1790, þó ekki öll árin. Kona Þorkels var Guðrún Þórðardóttir
frá Gerðum í Garði. .Jón Þórðarson, mágur Þorkels, mun hafa
safnað handritum og nokkur þeirra frá Þorkeli komin. - Oddur
mun hafa komizt yfir handritið þá er hann var á vertíð syðra.
Vera kann, að það hafi fyrr verið í eigu Hjartar tengdaföður hans,
meðan hann átti heima í Grindavík.
I Lbs. 1727 8vo er „Samtíningsrit“ með hendi Odds, 36 bls.,
bundið í skinn. Þetta (með öðrum ritum ýmsum, sem Oddur hefur
eigi skráð) er „Stista Ágrip af Æfi-Sögu allra Norvegs Einvalda-
Konunga frá Haraldi Hárfagra til Ölafs Hákonarsonar er og varð
konungur yfir Danmörku.“ Upphafsstafirnir eru fallega málaðir.
I lokin stendur: Samantekið og byrjað Anno 1835. Skrifað í Garð-
húsum 27. febrúar 1835.
Er af þessu sýnt, að Oddur hefur unnið að þessari ritun, þá
er hann var í verinu, líkast til í Garðhúsum í Grindavík. Og þá
hefur hann verið aðeins 17 ára gamall. -
Loks er að telja rit Odds nafnlaust (titilblað vantar og nokkur
blöð framanvið). Handrit þetta er um 150 síður í litlu broti, mjög
þétt skrifað og samandregin skriftin með vissum táknum. Efni
kversins er að mestu kvæði, ort af ýmsu tilefni, erfiljóð, ljóðabréf,
formannavísur, tvö kvæði dönsk og fleira, að mestu frumsamið á
árunum 1839-1844. Oddur yrkir erfiljóð eftir Tómas prófast Sæ-
mundsson á Breiðabólsstað. Vísdómsgyðjan Mínerva og guðinn
Apolló harma góðan dreng, þar í er þetta:
Hví er Mínerva harmþrungin,
hjartað er líkt sem angist spenni.
Fljóta tárin um fagra kinn,
svo fölar sýnast þær á henni.
48
Goðasteinn