Goðasteinn - 01.06.1975, Side 14

að menn voru að koma úr Vigraferð. Ekki að tala um annað en
bíða eftir kaffi í Þorgeirsstöðum og því tekið ofanaf hestunum.
Egg voru flutt í koffortum og skjólum. Þegar farið var að búa upp
á hestana aftur, sáu flutningsmennirnir, að borð var komið á
eggjaskjólurnar, og þótti þeim furðu gegna. Hrafnar voru að fljúga
þar skammt frá. Einn mannanna veitti þá athygli hrossataðshrúgu
í nánd við hrafnana og fór að athuga hana. Þá voru eggin kösuð
þar af krumma.
Aldamótafólkinu fækkar nú óðum. í minningum mínum er
bjart yfir því. Það var búið að lifa harðindaár og vinna hörðum
höndum við misjöfn lífsskilyrði. Þá var lítið um skóla, mæðurnar
kenndu dætrum sínum hannyrðir og matargerð, og bændurnir
sonum sínum gripahirðingu og veggjahleðslu og bjuggu þá undir
búskapinn, þetta var heimavistarskóli, sem kom að góðum not-
um, og menn undu glaðir við sitt.
Það fyrsta, sem fólkið gerði á morgnana, þegar það kom út,
var að krossa sig og lesa bæn. Að því loknu var horft til lofts og
athugað veðrið, og margir voru veðurglöggir. Störfin voru marg-
breytileg. Þeir þóttu góðir, sem voru vel búhagir, því margt þurfti
að smíða á heimilinu. Góðir vegghleðslumenn voru sumir gömlu
mennirnir, það var listaverk að sjá vel hlaðna veggi. Orðtak
vegghleðslumanna var: Það á að vanda, sem lengi á að standa.
Þetta er nú búið að vera og horfið, nú þarf ekki góða hleðslu-
menn, það eru breytilegir tímar á þessari öld.
Ég sakna margs frá liðnum árum. Það var mikið unnið, mörgu
þurfti að sinna. Öll föt voru saumuð í höndum, áður en sauma-
vélar komu. Eg man fyrst eftir saumavél um aldamótin, og fylgdi
þeim mikil breyting hjá saumakonunum. Skemmtilegar voru kvöld-
vökurnar, þegar allir voru sestir við vinnu og sögur voru lesnar
upphátt, en það féll oft í hlut minn. Þá var ánægjulegt, þegar
næturgestir bættust í hópinn. Um aldamótin voru baðstofur á
öllum heim.ilum í sveitinni nema á Stafafelli, þar var timburhús,
járnklætt og vandað og stendur enn. Baðstofurnar voru misjafnar
að stærð.
Um 1910 var byrjað að byggja í öðrum stíl, þverhús með
12
Goðasteinn