Goðasteinn - 01.06.1975, Qupperneq 85

greindur, hreinskilinn og einarður við hvern sem var. Þá var hann
röskur, úrræðagóður og öruggur tií allra verka, enda vandist hann
þegar frá unga aldri hvers kyns vinnu á sjó og landi og þótti
liðtækur í besta lagi.. Meðal annars var hann formaður á hákarla-
skipi föður síns, þegar hann var átján ára að aldri, og aflaði
ágætlega.
Baldvin ætlaði að verða bóndi, enda hafði hann til þess flesta
kosti. Samt fór það svo að hann gerðist ekki góðbóndi í Fljótum
og máttarstólpi sinnar sveitar. Þegar hann var tvítugur að aldri,
kom faðir hans eitt sinn að máli við hann og spurði, hvort hann
hefði áhuga á að læra latínu og ganga embættisveginn. Kvað
hann áhuga hans á að lesa bækur benda til þess og kynnu þá gáfur
hans að verða honum sjálfum og öðrum að meira gagni en ella.
Hefur Einar bóndi vafalaust gert sér grein fyrir afburðahæfileik-
um sonar síns, auk þess sem hann sýndi með tilboði sínu glögg-
skyggni og framsýni. Baldvin brást vei við orðum föður síns og
játaði því glaðlega að fara í skóla. En til þess þurfti talsvert meiri
undirbúning en hann hafði aflað sér fram til þessa. Hann var
þá sem jafnan snar í snúningum og aðeins nokkrum dögum síðar
hafði honum heppnast að útvega sér bæði málfræði og orðabók í
latínu. Hófst hann þegar handa við latínunámið og fékk brátt
nokkra tilsögn hjá séra Jóni Jónssyni á Barði, sem þá hafði látið
af prestskap og var kominn að Haganesvík í næsta nágrcnni við
Hraun. Varð Baldvin brátt allvel að sér í hinni fornu tungu Róm-
verja og gerði sér þá til gamans að rita presti þessum bréf á latínu
og þótti það furðugott.
Haustið 1821 kom faðir hans honum fyrir til náms hjá séra
Jóni Konráðssyni á Mælifelli og dvaldist hann þar allan þann
vetur. Vorið 1822 sótti hann því næst um skólavist á Bessastöð-
um og hóf þar nám um haustið. Rækti hann það af miklum
dugnaði og kostgæfni og tók brátt skjótum framförum. Þegar hann
kom í skólann, var hann efstur í neðri bekk, en næsta haust var
hann fimmti í röðinni ofan frá í efri bekk. Heima var hann á
sumrin og gekk þar að öllum störfum sem fyrr og gegndi for-
mennsku á skipi föður síns.
Haustið 1824 veiktist Baldvin hastariega og var lengi þungt
Goðasteinn
83