Goðasteinn - 01.06.1975, Qupperneq 45

en landlítið, nokkur selveiði, sem karl hafði mikið til útaf fyrir
sig og dálítið af kornuppskeru.
Árið eptir og ég var hjá honum, dó Sigurður gamli. So fór ég
austur í Landeyjar, til Guðmundar á Skíðbakka, var hjá honum
eitt ár og reri í Landeyjum. So fór ég inn í Hlíð, til Tómasar í
Teigi og var hjá honum árið og reri frá honum suður í Höfnum
og átti hálfan hlutinn og var þessi hálfi hlutur tekinn af mér uppí
skuld í Hafnarfirði. So fór ég til Jónasar bróður Tómasar í Teigi,
og reri útí Vestmannaeyjum og hafði í útgerð læri af meri, hangið,
Jónas fékk það til láns í vesturbænum hjá Guðmundi gamla frænda
sínum. Er þetta með betri bitum, sem ég hef lifað á. Það var með
mciri hégóma fyrr á tíðum að fyrirlíta þessa fæðu og enda mesti
skynsemisskortur. So árið eptir hjá gamla Guðmundi Tómassyni
í Teigi og átti hjá honum góða æfi til enda og rerj útí Þorlákshöfn
með Guðmundi syni gamla Guðmundar og hef talið hann Guð-
mund annan sökum sinna miklu og góðu mannkosta, fyrst var nú
Guðmundur yngri mesti smiður á tré og járn, eða sem honum
dugði vel til búskapar, og þar að auki bætti hann stórum Tciginn
með vatnsveitingum og garðahleðslu. Þar á ofan keypti hann Teig-
inn og hefur búið á honum allan sinn búskap eptir föður sinn, hvað
sem hér eptir verður. Líka hefur Guðmundur yngri keypt miklu
fleiri jarðir í Hlíðinni. Þessi maður, sem hér ræðir um, bar því
langt af öllum þar í kringum hann.
Eitt af smíðum Guðmundar var það, að hann smíðaði látúns-
Iampa án kveikingar. Hvergi hef ég augum litið svoleiðis lampa
nema eptir hann.
Það er frá mér að segja í Teigi, að þar þar var so mikil vörn
af kúm þeim, er voru af vesturbæjunum, so þær tolldu hvergi nema
í Vellinum, sem var Tcigsengjar með áveitu úr Grjótá. Var mér
sem öðrum sagt að reka úr Velii þessum, og var það aldrei minna
á dag en í tví- eða þrígang. Mátti það heita að æra óstöðugan.
Voru þeir Teigspiltar þó að biðja hlutaðeigendur að stemma stigu
fyrir kúnum, en þeir voru þá allir heyrnardaufir eða öllu heldur
skeytingarlausir við áminningar Teigspilta. Einu sinni kom ég að
máli við Magnús heitinn, son Guðmundar, hvernig ætti að afstýra
Goðasteinn
43