Goðasteinn - 01.06.1975, Side 71

Tvö sendibréf
frá Sigurði presti Thorarensen
í Hraungerði
Sr. Sigurður var fæddur að Odda 8. nóvember 1789. Voru
foreldrar hans Gísli prestur Þórarinsson og kona hans, Jórunn
Sigurðardóttir alþingisskrifara á Hlíðarenda. Hún gerðist feit-
lagin kona og þung með aldrinum og þurfti þá valda menn að
lyfta henni til söðuls. Var hún því af sumum nefnd Jórunn
skippund“ (320 pund).
Sigurður varð stúdent frá Bessastaðaskóla árið 1811, „með
vitnisburði í meðallagi". Árið 1812 varð hann aðstoðarprestur
séra Markúsar Magnússonar í Görðum á Álftanesi; fékk Þykkva-
bæjarklaustursprestakall árið 1814. Þar lenti hann í „leiðu máli
út af skipsstrandi en slapp þó skammlaust frá og við önnur leið
málaferli var hann bendlaður" (segir Páll Eggert Ólason). Árið
1817 fékk hann Stórólfshvolsþing og Hraungerði árið 1839 og
þar lét hann af prestsskap árið 1860. Fluttist hann þá að Breiða-
bólsstað í Fljótshlíð, og þar andaðist hann 16. október 1865.
Sigurður prestur var tvíkvæntur. Fyrri kona hans var Guðrún
Vigfúsdóttir sýslumanns á Hlíðarenda, systir Bjarna Thorarensens
skálds. Börn þeirra, er upp komust, voru Vigfús sýslumaður í
Strandasýslu, varð ekki gamall maður, Gísli skáld Thorarensen
síðast prestur á Stokkseyri og Stefán prestur og sálmaskáld á
Kálfatjörn.
Seinni kona Sigurðar prests var Sigríður Pálsdóttir sýslumanns
á Hallfreðarstöðum, en hún var ekkja Þorsteins prests Helga-
sonar í Reykholti, börn þeirra Sigurðar komust eigi upp.
Af Sigurði presti Thorarensen er mikil saga, sem ekki verður
Goðasteimi
69