Goðasteinn - 01.06.1977, Qupperneq 26

Við ókum upp úr bænum í besta veðri. Ég fræðist nú um það,
að vegamálastjóri hefur boðið þessum mönnum, sem víst voru
fréttamenn, austur á Hellisheiði til að sjá snjóbíl Vegagerðarinnar
að verki þar. Þess má geta að vegamálastjóri var mjög árvakur
embættismaður. Og eins og hann sagði, væri afleitt hvað langan
tíma vetrar væri ófært bílum austur yfir Fjall, og fékk hann því
framgengt sumarið 1926, að keyptur var snjóbíll, svonefndur. Þetta
var að vísu aðeins stór vörubíll, eða stærri en þeir gerðust almennt.
Hann var sérlega háhjólaður og drif á öllum hjólum. Svo hafði hann
plóg eða skúffu framaná sér, sem hann skóf nokkurn snjó með af
veginum. En væru komnar nokkrar fannir, réði hann ekkert við
þær, svo að í þeim tilfellum sendi Vegagerðin verkamenn með skófl-
ur að moka braut.ir í slíkar fannir, og fórum við á B.S.R. oft með
þá moksturskarla. Ef að gerði svo stillur á eftir, var snjóbíllinn lát-
inn skafa brautina daglega, eða eftir þörfum. Hann var þá látinn
hafa bækistöð á Kolviðarhóli, og fór svo ýmist austur yfir Heiði
eða n.iður Svínahraun. Þennan dag átti hann að skafa austur á
Kambabrún og aftur til baka, og þá áttum við einmitt að mæta
honum. Þessu lýsti Geir Zoéga fyrir gestum sínum og bætti svo
við: „Þegar þið hafið sérð hvernig þetta fer fram, ökum við niður
á Kolviðarhól og þar býð ég upp á kaff.i, líka piltunum á snjóbíln-
um, og þá getið þið spurt þá sjálfa út í þetta eftir vild“.
Svo er það þegar við komum upp fyrir Selásinn, að Geir segir:
„Mikið erum við nú heppnir með veðrið“. Veðr.ið var einmuna gott,
logn en æði skuggalegt útlit. Svo að ég álpa út úr mér: „Bara, að
það verði lengi svona gott á Hellisheiði“. Geir snéri sér til í sætinu,
lítur á mig og spyr dálítið hastur: „Hví segið þér þetta?“ Ég svara:
„Ja, mér líst nú bara þannig á veðurútlitið, að það gæti snögglega
skipt um veður“. Þá segir hann í fyrirlitningartón: „Ég skil nú
ekki að þið bílstjórar þurfið að álíta ykkur einhverja veðurspámenn,
þó þið getið ekið bíl skammlaust eða sæmilega“- Svo snýr hann
sér að gestum sínum og segir: „En annars talaði ég við lœrðan veð-
urfræðing, og hann fullvissaði mig um að það yrð.i engin veður-
breyting að sinni, og ég marka nú meira það sem hann segir um
það heldur en einhver bílstjóri“. Þarna stakk hann laglega upp í
mig, og svo var ekki meira talað um það.
24
Goðasteinn