Goðasteinn - 01.06.1977, Side 112

uðust að þá mundu þeir missa sérréttindi til verslunar í Stockhólmi,
er þeir höfðu haft frá fornu fari.
Nafn sitt, Maríuhöfn, hlaut þessi nýi kaupstaður í höfuð Maríu
Alexandróvnu, rússnesku keisarainjunnar. Lega bæjarins á mjóu
nesi syðst á aðaleyjunni með góðar hafnir á báðar hliðar er mjög
hagstæð frá náttúrunnar hendi, enda hagnýttu heimamenn sér það
brátt. Vöxtur kaupstaðarins var þó fremur hægur til að byrja með,
en jókst eftir því sem lengur leið. Verslun, fiskveiðar, skipasmíðar
og siglingar urðu brátt mikilvægar atvinnugreinir. Álendingar voru
frá fornu fari þrautþjálfaðir og harðduglegir sjómenn. Urðu þeir
víðfrægir sægarpar þegar á tímum seglskipanna og hafa haldið
áfram á þeirri braut æ síðan, þótt tæki og tækni hafi breyst. Sem
minn.ismerki um horfið blómaskeið seglskipanna er fjórmastraða
barkskipið Pommern, sem nú liggur við festar í vesturhöfn höfuð-
borgarinnar og er þar varðveitt sem safngripur. Koma margir ferða-
langar til að skoða skipið ásamt sjóferðasafninu er stendur þar
skammt frá á hafnarbakkanum og er eitt hið besta sinnar tegundar
í heiminum. Eftir heimsstyrjöldina síðari hafa Álendingar eignast
mikinn og nýtískulegan flota hafskipa og stunda nú siglingar um
víða veröld. Floti þeirra er yfir 600 þúsund lestir samtals og hlýtur
að vera sá stærsti í heimi, ef miðað er við fólksfjölda. Af öðrum
meiri háttar atvinnugreinum Álendinga skipa landbúnaður og fiski-
veiðar alltaf mikilvægan sess. Iðnaður er og nokkur og þá einkum
skipasmíðar, viðgerðaþjónusta og ýmis verkstæðaiðnaður. En sú
atvinnugrein sem tekið hefur mestum framförum síðustu árin er
ferðamannaþjónusta ýmis konar. Álandseyjar voru löngum harla
einangraðar og lögðu þangað fáir leið sína, nema í brýnustu erind-
um. Þetta tók þó að breytast um og upp úr síðustu aldamótum og
fjölgaði þá ferðamönnum hægt og sígandi. En eftir síðari heims-
styrjöld varð nánast bylting í þessum efnum, er Álendingar
bættu samgöngukerfi sitt heima fyrir og hófu fastar áætlanaferðir
góðra farþegaskipa milli heimalands síns og Svíþjóðar og Finn-
lands. Þá hafa og flugsamgöngur komið til og valdið straumhvörf-
um með daglegum ferðum við nágrannalöndin. Aðalferðamanna-
tíminn er yfir hásumarið, en utan hans er orðið mjög algengt að
þarna séu haldnar ráðstefnur og þing alls konar, svo að alltaf er
110
Goðasteinn