Ársrit Torfhildar - 01.04.1987, Side 82

Hins vegar held ég að bókmenntafólk hafi flest einhvern tíma
leitt hugann að þeim gamla samkvæmisleik að velja bókasafn til
að hafa með sér á eyðiey. En þá vakna ýmsar spurningar: Verður
maður einn á eynni eða er kostur á ferðafélaga öðrum en bókum?
Og þó enn frekar: Á ég afturkvæmt? Ef um einveru yrði að ræða
án þess að ég ætti afturkvæmt, ja, þá líst mér ekki á blikuna,
því bóklestur er í mínum huga boðskiptaform sem kallar á framtíð
mannlegra samskipta. En áður en ég gerist heimspekilegur, þá er
best að ég gefi mér að ég sé að fara í Mfrí" á eyðiey og eigi
afturkvæmt. Þá tek ég með mér í fyrsta lagi bækur sem ég þekki
en vil kynnast betur og í öðru lagi bækur sem jafnframt varða
rannsóknir og ritstörf; síðan lætur maður ef til vill fylgja með
eitthvað eftir höfunda sem lengi hefur staðið til að kynnast en
sem hafa af einhverjum sökum legið óbættir hjá garði til þessa.
1. Ódysseifskviða. Þetta verk er nú nauösynlegt að taka með þegar
staðið er í eyja-ævintýrum. Menn verða að geta sér til af þessu
vali hvort ég reikna með að hafa ferðafélaga eða ekki! Ég get
því miður ekki lesið kviðuna á frummálinu en vildi helst hafa
með bæði prósaþýðingu Sveinbjarnar Egilssonar og enska þýðingu
Roberts Fitzgeralds.
2. Eddukvæði. Ég myndi líklega taka Eddukvæði með sem fulltrúa
íslenska arfsins; eftir að hafa á síðustu árum töluvert skoðað
forníslenska sagnagerð er mig farið að langa til að líta nánar á
kvæöin.
3. Leikrit Shakespeares. Maður þarf svosem ekki að réttlæta þetta
val. Ég hef dálítið verið að athuga Shakespeareþýðingar Helga
Hálfdanarsonar og yrði að smygla þeim með í farangrinum.
4. Ljóðasafn. Eitthvert gott safn nútímaljóða verður að koma með;
helst myndi ég vilja setja það saman sjálfur. Kallast þetta að
svindla?
5. Franz Kafka: Sámtliche Erzáhlungen. Kafka verð ég að fá með
til að lesa og þýða. Hann myndi stytta mér stundir með dæma-
lausunt húntor sínurn og sagan ((í refsinýlendunni" væri sérlega
viðeigandi.
6. Thor Vilhjálmsson: Óp bjöllunnar.
7. Guðbergur Bergsson: Tómas Jónsson, metsölubók. Þetta eru
miklir eftirlætishöfundar rnínir og verk þeirra yrðu góður
félagsskapur á eynni og auk þess akur fræðilegra pælinga.
80