Ársrit Torfhildar - 01.04.1991, Page 59

Ársrit Torfhildar
vegna hrifningar sinnar á fulltrúa karlveldisins, Mr. Emrick. Án hans
syngur hún ekki og hún sýnir meiri viðbrögð þegar hann kemur og
fer en þegar Augusta og Eliza hverfa. Móðirin er handgengin
karlveldinu og er þar af leiðandi andsnúin vandamálum systranna,
þau gætu orðið til þess að hrekja Mr. Emrick í burtu. Samband
systranna nær hins vegar út fyrir mörk lífs og dauða, út fyrir mörk
sjálfsverunnar til úrkastsins.
Móðirin er hrædd um að Mr. Emrick yfirgefi sig og yfirgefin
kona er úrkast segir Lawrence Lipking. Móðirin er ekki lengur
þátttakandi í samfélaginu (hún er ekkja og stundum grasekkja Mr.
Emrick) og hún fómar öllu fyrir Mr. Emrick. Hún er jafnvel tilbúin til
að tapa þremur dætrum sínum fyrir hann til að halda
þjóðfélagsstöðu sinni. Móðirin þráir að vera elskuð af
karlmanninum, það skiptir hana meira máh en ást dætranna; að
minnsta kosti virðist hún tilbúin til að fórna ábyrgð hans á hvarfi
þeirra á altari ástarinnar. Sannarlega blind ást og ekki bara það
heldur er sekt hans of mikið áfall fyrir hana til að hún geti horfst í
augu við hana. Hún treystir sér ekki til að grafast fyrir um
sannleikann þrátt fyrir að hana hljóti að gruna eitthvað eins og hinar
konurnar sem forðast að horfast í augu við hana. "I notice how the
women move away from Mr. Emrick's hands, their sympathetic eyes
avoiding Mama's"(222). Hún er úrkast, útilokuð frá samfélagi
kvennanna og augnaráði þeirra.
Lipking segir að yfirgefin kona sé úrkast bæði frá félagslegu og
mállegu sjónarmiði því yfirgefnar konur tali sitt eigið tungumál.5 í
þessu tilviki er tungumál þeirra þögnin; móðirin, Augusta og Janey
þegja en Eliza hverfur úr sögunni. Einhverja ást ber móðirin í brjósti
til systranna en sú ást fær ekki að koma upp á yfirborðið; móðurina
skortir kjark til að rísa upp gegn karlveldinu og hafna þar með ást
sinni á karlmanninum, sem er að drepa dætur hennar.
í þessu má finna "passívisma" móðurinnar, þögn hennar og
blindu. Hún lifir í stöðugum ótta við að verða yfirgefin; "Mr. Emrick
left that winter. He did not come back. Mama's face was older; she did
not sing anymore, or even hum, and when she spoke to me it was to
do with work" (216). Án karlmannsins er móðirin ekkert, það má þess
vegna segja að hún sé úrkast þegar hann er farinn því þá er hún ekki
með sjálfri sér.
Augusta er tvífari sem tengist hinu kvenlega. Hún er myndin í
57