Víðförli - 01.05.1951, Side 23

KIRKJULÍF Á GRIKKLANDI
21
ar, bænir og sálma og miklu munar hvað grísk börn eru ófeimn-
ari að fara með það, sem þau læra, en algengt er á Norðurlönd-
um. Oft er einhver nemendanna, jafnvel úr neðsta bekk, látinn
lesa bænirnar bókarlaust og vera forsöngvari og allir keppast við
að fylgjast með og svara spurningunum. Kennurum er séð fyr-
ir sérstökum handbókum til kennslunnar, auk þess eru gefin
út sunnudagaskóláblöð í stórum upplögum. Eitt þeirra er prent-
að í 150,000 eintökum vikulega.
Biblíufræðsla æskulýðs er og allmikil. Einnig' þar sýna ung-
mennin mikinn áhuga, láta sínar skoðanir í ljós, spyrja, ræða sín
á milli. Mann rennir grun í, að svipað hafi fjörið verið á kirkju-
þingunum til forna og þegar mikill lærdómur og áhugi hins gríska
anda á heilabrotum og sundurliðun fór saman, er skiljanlegt, að
hitinn yrði mikill í umræðum um hin miklu, guðfræðilegu megin-
mál, Þrenninguna og eðli Krists. Enn í dag hneigjast umræður
menntamanna í sömu átt, jafnvel ólærðir kannast við ,,filioqve“*)
og útlendingurinn er oft spurður, hvort sænska kirkjan hafi þessa
viðbót í trúarjátningu sinni. Augnaráðið ber með sér, að menn
eru ekki allskostar ánægðir með hið játandi svar.
Mynduð hefur verið miðstjórn vissra, kirkjulegra starfsgreina,
Apostoliki Diakonia. Sérstakir „ritarar“ (lærðir prestar, arki-
mandritar) eru t. d. settir til eftirlits með sunnudagsskólum og
skriftamálum. Miðstjórnin sér um útgáfu guðfræðilegra bóka,
guðræknisrita og húslestrabóka. I Aþenu hefur og verið komið á
fót guðfræðiskóla með heimavist á vegum þessarar stofnunar. Þar
dveljast um 100 stúdentar og auk þess allmargir nemendur frá
öðrum orþodoxum kirkjum og öðrum kirkjudeildum. Þar er sér-
stakt námskeið árlega fyrir hieroker)'kes. Nú er á prjónunum
*) Nikeujétningin, sem að kjarnanum til er ævaforn skírnarjátning safn-
aðarins í Jerúsalem, en aukin mikilvægustu, KristsfræSilegum niðurstöðum
almennra kirkjuþinga fornaldar, en þeirra þýðingarmest var þingið í Nikeu
325, er önnur meginjátning allra höfuðdeilda kristninnar. Snemma á öldum
bætti Vesturkirkjan orðinu „filioque" („og Syni“) inn í 3ja lið þéssarar
játningar: Heilagur Andi framgengur af „Föður og Syni“. Austurkirkjan hef-
ur aldrei viðurkennt réttmæti þessarar viðbótar. — S. E.