Víðförli - 01.05.1951, Qupperneq 32

Himnaför Maríu
Páfinn hefur, eins og kunnugt er, lýst það óskeikula kennisetn-
ingu rómverskrar kirkju, sem allir trúaðir verði að samsinna, að
viðlagðri sáluhjálp, að María mey hafi stigið upp til himna lík-
amlega. Árið 1854 lýsti páfinn yfir, að María hefði verið getin
á yfirnáttúrlegan hátt og vakti sú kenning undrun meðal krist-
inna manna, einnig margra rómv. kaþólskra. Nú er kenningunni
um líkamlega himnaför Maríu bætt við og virðist rómverska kirkj-
an hníga hratt í þá átt að setja Maríu í stað Krists.
Anders Nygren biskup, forseti lútherska heimssambandsins, seg"
ir um þetta, að því er opinbert fréttamálgagn sambandsins herm-
ir (News Bulletin, Vol. 5, nr. 11): „Enda þótt Róm hafi ekki
tekið opinberan þátt í sameiginlegri ekumenískri starfsemi hafa
margir rómverskir guðfræðingar og kirkjumenn árum saman sýnt
eftirtektarverðan skilning á fagnaðarerindinu. En upp á síðkastið
höfum vér samt við ýmis tækifæri verið minntir á, að vér meg-
um ekki láta blekkjast af bjartsýni. Vér reynum frá vorri hlið að
rífa niður múra og byggja brýr .... en rómverska kirkjan ein-
angrar sig með því að rífa brýr og reisa nýja múra. Ég hef í huga
páfabréfið „Humani generis“ og kennisetninguna nýju, sem lýst
var 1. nóv., um himnaför Maríu meyjar. Þannig dregur æ meira
sundur með oss.
Að skilningi vor evangelískra manna er þetta ekki mál, sem
hægt sé að taka með jafnaðargeði. Vér getum ekki séð annað í
þessari nýju kennisetningu en árás á fagnaðarerindið. Þessi kenn-
ing er ékki aðeins án allrar stoðar í fagnaðarerindi Krists. Því
kjarni fagnaðarerindisins er, að Guð hafi í Kristi komið til vor
í sönnum manni. Tilraunin að hefja Maríu meyju til himneskrar
tignar þýðir það, að Frelsari vor lendir í skugga. Það er með
henni slegið fölskva á fagnaðarerindið.“