Sjómannadagsblað Snæfellsbæjar - 01.06.2004, Síða 75

Sjómannadagsblað Snæfellsbæjar 2004
73
Lr þetta þernan?
I starfi mínu hjá Hafrannsókna-
stofnun hef ég tekið eftir að
mörgum finnst það merkilegt
þegar konur fara á sjó. Mörgum
fmnst einfaldlega að konur hafi
ekkert að gera til sjós en þar er ég
ekki sammála. Mig langar að
segja ykkur eina skemmtilega sögu
í því sambandi. Eitt sinn var ég í
rækjuleiðangri á Dröfninni fyrir
austan og kom í land á Vopna-
firði. Meðan verið var að dæla
olíu á bátinn lagði ég upp í eina af
mínum mörgu gönguferðum.
Starfsmanni olíufélagsins varð
starsýnt á eftir mér og spurði vél-
stjórann: „Er þetta þernan hjá
ykkur?“ Vélstjórinn sem er fljótur
að hugsa svaraði að bragði og
sagði: „Já, hún sér um fótsnyrt-
ingu og nudd.“ Ég vona að við-
horf austfirðingsins séu eltki
lýsandi fyrir viðhorf karla al-
mennt. A öllum þeim bátum sem
ég hef farið á hef ég mætt ein-
stakri kurteisi og velvild. Einum
róðri man ég eftir en þá var ég á
bát frá Stykkishólmi og var sett í
klefa með vélstjóranum. Hvort
sjómenn eru upp til hópa svona
prúðir skal ég ekki segja til um, en
þær þrjár nætur sem við vorum
úti fékk ég að hrjóta ein í klefan-
um á meðan vélstjórinn húkti á
bekknum í matsalnum.
Ég hef gaman af að rifja þetta
upp með ykkur en tilgangurinn er
ekki einungis sá að skemmta mér
heldur að benda á að margt hefur
breyst frá því að ég ólst upp og er
ég þó ekki gömul. I dag fá margir
Islendingar sín einu kynni af sjón-
um og því er honum tengist af því
að horfa á myndbönd og sigla
með Baldri og Herjólfi. Krakkar í
dag fá margir hverjir ekki að leika
sér eins og áður í fjörunni, á
bryggjunum eru hraðskreiðir lyft-
arar og flutningabílar, allir eru að
flýta sér og fáir vita orðið muninn
á hinum ýmsu veiðarfærum, hvað
þá hvað algengustu fisktegundirn-
ar heita. Ég tel þessa framvindu
vera verulegt áhyggjuefni því að af
fáfræði spretta jú fordómar. Þess
vegna langar mig að nota þetta
tækifæri (áður en veðurfréttirnar
byrja) og hvetja ykkur sjómenn til
að gera það sem þið getið til að
sporna við þessari þróun. Takið
krakkana með í róður, stelpur
jafnt sem stráka, farið með þau í
fjöruna og leyfið þeim að vaða og
róta. Skítt með fötin. En fyrst og
fremst berið höfuðið hátt, verið
stolt af störfum ykkar og því að
búa í Ólafsvík.
Ég og fjölskylda mín stöndum
nú á miklum tímamótum. Eftir 8
ára búsetu hér við fjörðinn breiða
sem stundum er svo breiður en
stundum ósköp mjór, eftir 8 góð
ár höfum við tekið þá ákvörðun
að snúa aftur í faðm fjölskyldunn-
ar. Við eigum eftir að sakna
margs, mannlífsins, kayakferð-
anna, badmintonsins, þess að
skjótast á rjúpu, berjanna og allra
gönguferðanna. Mér hefur aldrei
verið Ijúft að kveðja en ætla þó að
gera það hér og vil fyrir hönd
okkar Jóns þakka fyrir góðan tíma
hér við rætur jökulsins fagra.
Lifið heil.
Tií fiamingju með dxujinn, sjómenn á Sncefettsnesil Guðmundur Runólfssdn hf Sólvöllum 2, 350 Grundarfirði.
RACNAR Si ASCEIR STYKKISHÓLMI - CRUNDARFIRÐI - SNÆFELLSBÆ SettduML 4,ýÓMÖ*Ul6CM<, á SaœýeMáae&i
Afgreiðsla í Snæfellsbæ: oy fteinw
Snoppuvegi 4, Ólafsvík Símar: 436 1619 & 892 1807 6eiCCaáiiCin í tilefati