Sjómannadagsblað Snæfellsbæjar - 01.06.2004, Blaðsíða 31

Sjómannadagsblað Snæfellsbæjar 2004
29
Skemmtiferð til Flateyjar árið í 958
Það var vorið 1958 að til tals kom að fara í
skemmtiferð á m/b Hólmkeli. Sá bátur var einn af
fyrstu bátunum sem gerðir voru út frá nýrri höfn í
Rifi eftir að róðrar hófust þar veturinn 1955-56. A
þessum árum voru vertíðarlok jafnan 11. maí og
mun því þessi ferð hafa verið farin síðari hluta þess
mánaðar. Eftir nokkrar vangaveltur var ákveðið að
fara inn í Flatey. Enginn hafði komið til Flateyjar
nema kannski einhverjir af skipshöfninni. Það var
tekið vel undir hugmyndina og hópur fólks ásamt
nokkrum úr áhöfn bátsins hófu undirbúning að
þessari sjó- og skemmtiferð. Heppnin var með
okkur, logn var um allan sjó þann dag sem valinn
hafði verið til ferðarinnar.
Dagurinn var tekinn snemma, lagt af Stað úr
Rifshöfn um klukkan átta. Siglt inn Breiðafjörð og
stefnan tekin á Flatey. Allir voru spenntir að sjá og
koma á nýjar slóðir. Nú sáum við Búlandshöfðann
frá áður óþekktu sjónarhorni og Stöðin og Kirkju-
fellið voru flestum okkar ný fjöll til að skoða.
Grundarfjörðurinn opnaðist og við sáum Mel-
rakkaey og Eyrarfjallið. Þetta svæði var á þessum
tíma, okkur af utanverðu Snæfellsnesi allt að því
lokað land. Akvegur frá Grundarfirði um Búlands-
höfða kom ekki fyrr en nokkrum árum síðar.
Flestir voru uppi á dekki í blíðviðrinu, sumir
voru þar af því að þeir vildu forðast að verða sjó-
veikir. Mikið var um fugla á sjónum og gaman á
þá að horfa. I lúkarnum var búið að hella uppá
könnuna og skotist var þangað niður í kaffisopa.
Þegar Flatey fór að sjást framundan og þá um leið
fjöllin við norðanverðan Breiðafjörðinn að verða
tignarlegri var það Leifur Jónsson, skipstjórinn á
bátnum, sem gat svarað öllum spurningum um
nöfnin á þessurn fjöllum og landsvæðum. Lagst
var að bryggju í Flatey. Bryggjan og nokkuð stórt
fiskverkunarhús þar skammt frá hafði verið byggt
nokkrum árum áður til að stuðla að því að halda
þar úti fiskverkun og útgerð. Lítið varð úr þeim
fyrirætlunum. Á bryggjunni tók á móti okkur
heimamaður, Jóhann Kristjánsson. Jóhann hafði
verið á Hólmkeli á nýliðinni vertíð og varð því
þarna vinafundur. Við héldum svo upp á eyjuna
undir leiðsögn Jóhanns. Mikið var um fugl, mó-
fugla, kríur og æðarfugl. Skoðuð voru gömlu hús-
in sem mörg voru mjög falleg en flest voru yfirgef-
in. Jóhann fór með okkur í einu verslunina sem
var í eyjunni. Þar fékkst allt mögulegt. Þar voru
bækur, allskonar matvara, salt og allt þar á milli.
Kaupmaðurinn var Jónína Hermannsdóttir en hún
var tengdamóðir Arngríms Björnssonar læknis.
Við upphaf ferðarinnar. Talið frá vinstri: Skúli Alexandersson. Hann
var framkvæmdastjóri íyrir útgerð m/b Hólmkels og oddviti Neshrepps
utan Ennis. Eggert Eggertsson í Hvammi. Eggert var vélstjóri í Hrað-
frystihúsi Hellissands. Hlöðver Þórðarson, matsveinn frá Fáskrúð.
Hrefna Magnúsdóttir, eiginkona Skúla. Þau áttu heima á Snæfellsási 1.
Hrefna hefur skrifað ferðasöguna. Kristín Þórarinsdóttir, eiginkona
Matthíasar Péturssonar, kaupfélagsstjóra. Nú koma þrjú saman, það eru
hjónin Elín Lúðvíksdóttir og Guðmundur Arnason með dóttur sína,
Sigurbjörgu. Guðmundur var stýrimaður á Hólmkeli. Þau voru búsett á
Akranesi og seinna á Sauðárkróki þar sem Guðmundur var skipstjóri á
togurum og síðar hafnarstjóri. Yfir öxlina á Guðmundi sést ungur mað-
ur frá Görðum á Hellissandi sem varð skipasmiður og er nú alþingis-
maðurinn Jóhann Arsælsson. Fyrir framan hann er Asta Benediktsdóttir
systurdóttir Hrefnu.
Kvennablóminn í ferðinni. Talið frá vinstri: Sigurbjörg, Elín, Ásta,
Hrefna og Kristín sést bak við unga stúlku, Kristínu Karlsdóttur sem er
við hlið móður sinnar, Ingibjargar Kristjánsdóttur, eiginkonu skipstjór-
ans á bátnum, Leifs Jónssonar en leifúr og Ingibjörg áttu heima í Rifi.