Bókasafnið - mar. 2024, Blaðsíða 46

46 Sveinbjörg Sveinsdóttir
Leitast var við að bjóða upp á sem fjölbreyttastar miðlunarleiðir til starfsmanna safna, s.s.
leiðbeiningar, kennslumyndbönd, vefkennslu og vinnufundi. Kennslumyndböndin voru
nýmæli hjá félaginu og mæltust vel fyrir. Á tímabilinu frá maí 2022 til byrjun mars 2023
sóttu um 2.500 manns samtals 160 námskeið sem starfsfólk Landskerfisins stóð fyrir.
Þrátt fyrir öll þessi námskeið þurfti gjarnan áframhaldandi einstaklingsaðstoð í síma eða á
fjarfundum.
Einn mælikvarði til að meta umfang þjónustu við viðskiptavini eru innsend þjónustuerindi.
Verkbeiðnir frá starfsmönnum safna í júní 2022 nánast fimmfölduðust miðað við sama tíma
árið á undan. Tvöföldun varð á verkbeiðnum í ágúst á milli áranna 2021 og 2022. Þetta er
annars vegar sá mánuður þegar nýja kerfið var tekið í notkun og hins vegar mánuðurinn
þegar grunnskólarnir hófu störf að afloknu sumarleyfi.
Endurlit
Það segir sig kannski sjálft að útskipting kerfa sem notuð eru af starfsfólki um þrjú hundruð
bókasafna er flókið og viðamikið verkefni. Aðstæður voru flóknar að mörgu leyti. Margir
aðilar komu að verkefninu, stilla þurfti saman strengi og halda fólki upplýstu. Vegna Covid
fór allt samstarf við kerfisframleiðandann fram á fjarfundum. Tímarammi verkefnisins var
þröngur og því margir boltar á lofti í senn og ákvarðanataka varð að ganga hratt fyrir sig.
Gott hefði verið að geta haft meira samráð við söfn um stærri ákvarðarnir en gerlegt var.
Læra þurfti á kerfin auk þess að tileinka sér nýja hugsun svo sem varðandi forða og rafrænt
Mynd 10: starfsfóLk Landskerfis bókasafna Með nýfengin kerfisstJórnunarréttindi í ÖLMu