Bókasafnið - mar 2024, Qupperneq 7

Bókasafnið 44. árg – 2024 7
Ölmu og tengist einungis bókfræðifærslum í því kerfi, en brýn þörf er á að opna gögnin til þess
að geta tengst öðrum nafnmyndaskrám. Eins og staðan er í dag, á nafnmyndaskráin í Ölmu
enga möguleika á að tengjast öðrum nafnmyndaskrám, ekki einu sinni nafnmyndaskrám í
öðrum gagnagrunnum sem eru leitarbærir í gegnum Leitir.is.
Ekki er hægt að gera ráð fyrir að notendur séu sérfræðingar í leitaraðferðum og notendur
finna hvergi upplýsingar um kerfisuppsetninguna. Miklar líkur eru á að notandinn treysti
því að hann fái tæmandi yfirlit yfir verk höfundar þegar hann leitar en reyndin er allt önnur
eins og áður hefur komið fram. Mögulegt er að einhverjir notendur viti af þessari brotalöm
og geti þá brugðist við með því að breyta leitinni á meðan aðrir notendur missa af leitar­
niðurstöðum.
Eftirfarandi dæmi um hindrunina sem notendur verða fyrir sýna að brýn þörf er á því að
brugðist verði við þessu vandamáli og lausnir fundnar til að bæta aðgengi notenda að upp­
lýsingum. Á mynd 1 má sjá leit í leitarprófílnum6 „Mitt bókasafn“ á Lbs.leitir.is. Þar er leitað
að „Jón Atli Benediktsson“ og leitin skilar greininni „Remote Sensing Image Classification
Using Attribute Filters Defined over the Tree of Shapes“ úr Opnum vísindum.
6 Leitarprófíll er skilgreint mengi leitarbærra gagna sem notandinn getur valið úr fellilista í leitarglugganum á Leitir.is
Mynd 1: Leitarniðurstaða úr Lbs.Leitir.is. Leitarstrengur: Jón atLi benediktsson