Bókasafnið - mar. 2024, Blaðsíða 49

Bókasafnið 44. árg – 2024 49
Flestir geta verið sammála um að verkefnið í heild tók mun lengri tíma en að var stefnt. Fyrir
þessu eru ýmsar skýringar líkt og fram hefur komið. Verkefnið var af því umfangi að það
var útboðsskylt. Undirbúningur og framkvæmd útboðs var tímafrek og flókin. Þar sem um
samkeppnisútboð var að ræða dróst framkvæmdin á langinn. Til trafala var að takmörkuð
þekking reyndist vera til staðar á framkvæmd samkeppnisútboða. Viðræðurnar leiddu til
þess að bjóðendur settu breytingar á hönnun kerfa sinna á dagskrá og nutum við á endanum
góðs af því í samningi. Draga má þann lærdóm að orkað geti tvímælis að útboð taki of langan
tíma því ýmsar sviptingar geta átt sér stað á mörkuðum á meðan og fyrirtæki gengið kaupum
og sölum og jafnvel verið haldið í gíslingu af eftirlitsstofnunum.
Það sem helst háði verkefninu annað en ófyrirséðar uppákomur, var þröngur tímarammi,
takmarkaður mannafli og vanmat framleiðanda á flækjustigi í blönduðu samlagi íslenskra
safna. Hér má til að mynda nefna þarfir skóla­ og almenningsbókasafna og íslenska manna­
nafna hefð. Samstarfið við kerfisframleiðandann Ex Libris var gott og hefur hann lagt sig
fram við að aðstoða eftir fremstu getu. Þar á bæ er skilningur á að enn þarf að gera bragar­
bót á ýmsu. Þess vegna hefur verið ráðist í stefnumótandi vinnu í þeim tilgangi að bæta úr
atriðum svo kerfið þjóni betur þörfum almennings­ og grunnskólabókasafna. Þetta varðar
leit og leitarniðurstöður, einföldun verkferla – einkanlega varðandi útlán og skil, möguleika
á einföldu skráningarviðmóti og síðast en ekki síst kerfislegan hægagang. Af þessu verður
kannski síðar sögð önnur saga.