Bókasafnið - mar. 2024, Síða 54

54 Þórunn Erla Sighvats
Ritun sögu Teikningasafnsins hefur skjalfræðilegt viðmið um leið og sögulegt sjónarhorn er
haft í hávegum. Reynt er að varpa ljósi á tilurð Teikningasafnsins og draga fram fólkið sem
lagði sitt af mörkum, markaði sporin, vann frumkvöðlastarf og lagði línurnar fyrir þróun
tæknilegra lausna. Sérstaklega er gaman að benda á þá staðreynd sögunnar að aðeins tveir
stjórnendur stjórnuðu teiknistofunni frá upphafi og til loka, í um 60 ár. Þetta voru tvær
konur, báðar lærðar tækniteiknarar. Slíkt gefur mynd af stöðugleika og fagmennsku, og
ennþá eru í kallfæri starfsmenn sem bera þeim vitni og geta gefið lýsingar á starfseminni og
starfstíma teiknistofunnar.
Að lokum er bent á að í ritinu er ítarlega fjallað um rafræna skráningu Teikningasafnsins,
þar sem fram koma skráningarþættir og skýringar á þeim. Sú lýsing gæti orðið öðrum inn­
blástur og hvatning til þess að takast á við skráningu opinberra gagnasafna í ríkisstofnunum,
en vitað er að víða liggja merkileg söfn, með öllu óaðgengileg eða misvel skráð.