Bókasafnið - mar. 2024, Blaðsíða 65

Bókasafnið 44. árg – 2024 65
26. apríl 2023
Snemma að morgni voru átta starfmenn Bókasafns Reykjanesbæjar, eldhressir og kátir
mættir í Flugstöð Leifs Eiríkssonar. Ferðinni var heitið til Oslóar og nágrennis þar sem skoða
átti fjögur mjög svo mismunandi bókasöfn. Ferðalangarnir voru lentir á Gardemoen rétt
upp úr hádegi og var öllum smalað upp í næstu lest til Oslóar. Byrjað var á því að tékka sig
inn á Citybox hótelið sem er á mjög hentugum stað miðsvæðis í Ósló og stutt í allar helstu
samgöngur og hina víðfægu Karl Johans gate.
Strax sama dag var á dagskrá fundur með
Ingrid Schibsted Jacobsen á Majorstuen
bókasafninu sem er í úthverfi Óslóar.
Móttökurnar þar voru einstaklega góðar
og Ingrid, sem er bókasafnsfræðingur sem
sérhæfir sig í lestri fyrir börn á aldrinum
7­18 mánaða tók á móti okkur. Hún sagði
okkur frá verkefni sem bókasafnið hefur
sett saman og gengur undir nafninu „Baby
på bib“. Verkefnið fer fram í notalegu um­
hverfi í lokuðu rými innan bókasafnsins
þar sem hljóðvist og lýsing er mjög góð.
Foreldrar og börn koma sér fyrir í hring og
öll börn fá lánaðar bækur sem for eldrarnir
lesa saman fyrir börnin. Þetta á fyrst og
fremst að vera notaleg stund þar sem börn fá að kynnast áferð bókarinnar og upplestri úr
henni og er mikil áhersla lögð á rím. Eftir sögustundina hafa foreldrar tækifæri til þess
að leyfa börnum að koma sér fyrir á
notalegum stað í salnum þar sem búið
er að blása upp sundlaug og klæða
með teppi. Þar geta börnin leikið og
átt samskipti hvert við annað. Þessi
viðburður er einstaklega vel sóttur
og þarf að skrá sig fyrir fram. Við
fengum prufutíma hjá Ingrid þar sem
við sátum öll í hring og tókum þátt.
Fræðsluferð starfsmanna Bókasafns
Reykjanesbæjar til Osló dagana 26.-29. apríl 2023
Mynd 1: starfsMenn safnsins í osLó
Mynd 2: MaJorstuen: baby på bib prufutíMi
Höfundar: Guðný Kristín Bjarnadóttir og starfsmenn Bókasafns Reykjanesbæjar