Bókasafnið - mar. 2024, Blaðsíða 24

24 Sif Sigurðardóttir
hefur stutt það með kaupum og út lánum
á borð spilum, skáksettum og bókum fyrir
hlut verkaspil. Starfsfólk skólans eru einnig
dyggir notendur safnsins, bæði þegar kemur
að faglegu efni og afþreyingarefni. Fyrir
þennan notandahóp er það helsta úr íslen­
skri bókaútgáfu keypt en einnig töluvert af
kennslufræði auk efnis tengdu faggreinum
skólans.
Breytingar í útgáfu námsbóka hafa haft tölu­
verð áhrif á uppbyggingu safnkostsins undan­
farin ár og þá aðallega vegna aukinnar raf­
bókaútgáfu og bættum aðgangi að stafrænu
kennsluefni. Sem dæmi má nefna að allt
námsefni Raftækniskólans er orðið aðgengilegt á rafbók.is. Einnig setja kennar ar orðið meira
af námsefni beint á Innu, kennslu kerfi framhaldsskólanna. Ýmis upp fletti rit eru einnig orðin
aðgengileg rafrænt, til dæmis RB blöð Húsnæðis­ og mann virkjastofnunar og orðabækur á
Snöru. Við sjáum því fyrir okkur aukna þjónustu kringum rafrænt efni í framtíðinni.
Við vonumst til að sjá aukningu í útgáfu á auðlesnu efni á íslensku fyrir unglinga svo við getum
boðið upp á efni sem höfðar til notenda okkar, hver sem lestrar­ eða tungumála kunnátta
þeirra er. Bókin Akam, ég og Annika kom sem dæmi nýverið út í styttri og einfaldaðri útgáfu.
Slíkar útgáfur gagnast okkar nemendum vel og mætti vera meira framboð af þeim. Þá er mikill
skortur á þýðingum yfir á íslensku fyrir ungt fólk. Besta dæmið um það eru manga­bækur
sem eru vinsælustu yndislestrarbækur Tækniskólans. Þær þurfum við allar að kaupa á ensku
því þær hafa ekki verið þýddar. Eins er alltof algengt að vinsælar ungmennabækur eins og
Heartstopper og Game of Thrones séu ekki þýddar fyrr en búið er að kvikmynda sögurnar.
Áhugasamir lesendur eru gjarnan búnir að lesa bókina á ensku og sjá myndina eða seríuna
þegar sagan loksins kemur út á íslensku. Áköfustu lesendurnir lesa því nánast alfarið á ensku.
Í takt við það höfum við stóraukið innkaup á ensku efni og í kjölfarið séð mikla aukningu í
útlánum á bókum til yndislestrar. Það er ánægjulegt, en að sama skapi er líka leiðinlegt að
hafa fátt að bjóða þeim sem vilja lesa á íslensku.
Aðstaða og tækjabúnaður
Á bókasafninu komast nemendur í tölvur og við lánum, auk bóka út ýmis tæki og tól sem þörf
er á í skólastarfinu s.s. reiknivélar, heyrnartól og hleðslutæki. Besta prentaðstaða ne m enda
Tækniskólans er einnig á bókasafninu og mikið af afgreiðslunni felst í að aðstoða við prentun
og tæknileg mál tengd því.
Árið 2019 setti Tækniskólinn upp sköpunarrými á Skólavörðuholtinu. Það var ákveðið að
kalla rýmið framtíðarstofuna og hún vakti strax mikla lukku og var vel tekið af nemendum
Mynd 1: tefLt á bókasafninu